കാന്‍സറിന് ചികിത്സ തേടി നാട്ടില്‍ പോയ ഓക്‌സ്‌ഫോര്‍ഡ് മലയാളി മരണമടഞ്ഞു. പത്തനംതിട്ട ആറാട്ടുപുഴ സ്വദേശിയായ പ്രദീപ് കുമാറാ(55)ണ് കഴിഞ്ഞ ദിവസം മരിച്ചത്.
ഓക്സ്ഫോര്‍ഡിലെ വീറ്റ്‌ലീയില്‍ കെയര്‍ അസിസ്റ്റന്റായി ജോലി ചെയ്തിരുന്ന ഭാര്യ മിനിക്കൊപ്പം മകനുമായി 2025 ലാണ് പ്രദീപ് യുകെയിലെത്തിയത്. എന്നാല്‍ താമസിയാതെ, പ്രദീപിന് കാന്‍സര്‍ ഉണ്ടെന്ന് കണ്ടെത്തുകയും തുടര്‍ന്ന് ചികിത്സ തേടുകയുമായിരുന്നു.
ഭാര്യയുടെ വരുമാനത്തില്‍ മാത്രം ചികിത്സ തേടാന്‍ സാമ്പത്തിക ബുദ്ധിമുട്ട് നേരിട്ടതോടെ. 2025 ഡിസംബര്‍ അവസാനത്തോടെ, ചികിത്സ തുടരുന്നതിനായി പ്രദീപ് നാട്ടിലേക്ക് മടങ്ങുകയായിരുന്നു.
സംസ്‌കാരം ഫെബ്രുവരി 8 ഞായറാഴ്ച പത്തനംതിട്ട ജില്ലയിലെ ആറാട്ടുപുഴയിലുള്ള പ്രദീപിന്റെ വീട്ടുവളപ്പില്‍ നടക്കും.
