ഇംഗ്ലണ്ടില് കുട്ടികളുള്ള വാഹനങ്ങളില് വെയ്പിംഗ് നിരോധിക്കാന് സര്ക്കാര്. കളി സ്ഥലങ്ങളിലും സ്കൂളുകളുടെ സമീപ പ്രദേശങ്ങളിലും ആശുപത്രികളുടെ പരിസരത്തുമാണ് പുകവലി, വെയ്പിങ്, ഹീറ്റഡ് ടുബാക്കോ ഉപയോഗം എന്നിവ വിലക്കാന് സര്ക്കാര് പദ്ധതിയിടുന്നത്. 12 ആഴ്ച നീളുന്ന പൊതു ചര്ച്ച വെള്ളിയാഴ്ച ആരംഭിച്ചു കഴിഞ്ഞു.
ഇന്ഡോര് ഇടങ്ങളില് ഇതിനകം പുകവലി നിരോധിച്ചിട്ടുണ്ടെങ്കിലും പുതിയ നിര്ദ്ദേശ പ്രകാരം അവിടങ്ങളും വെയ്പ് ഹീറ്റഡ് ടുബാക്കോ ഫ്രീ മേഖലകളാക്കും. എന്നാല് പബ് ഗാര്ഡനുകള്, ബീച്ചുകള്, സ്വകാര്യ ഔട്ട്ഡോര് ഇടങ്ങള് എന്നിവ പദ്ധതിയില് ഉള്പ്പെടുത്തിയിട്ടില്ല. വീടുകളില് പുകവലിക്കും വെയ്പിംഗിനും വിലക്ക് ബാധകമല്ല. മറ്റുള്ളവര് പുകവലിക്കുന്നതിനാല് കുട്ടികളും രോഗികളും ദുരിതമനുഭവിക്കേണ്ട സാഹചര്യം ഒഴിവാക്കുകയാണ് ലക്ഷ്യമെന്ന് ആരോഗ്യ സെക്രട്ടറി വൈസ് സ്ട്രീറ്റിങ് പറഞ്ഞു.
ഹൃദ്രോഗം, ശ്വാസകോശാര്ബുദം ഉള്പ്പെടെ ഗുരുതര രോഗങ്ങളുടെ സാധ്യത വര്ധിപ്പിക്കുന്നതായി അദ്ദേഹം ചൂണ്ടിക്കാട്ടി.
പത്തുവര്ഷത്തെ ആരോഗ്യ പദ്ധതിയുടെ ഭാഗമായാണ് രോഗ ചികിത്സയ്ക്ക് പകരം പ്രതിരോധത്തിന് മുന്ഗണന നല്കുന്ന നീക്കം. പുകവലി രഹിത തലമുറ വളര്ത്തുകയാണ് സര്ക്കാര് ലക്ഷ്യം.
