വാര്ത്തകള് വ്യാജവും അടിസ്ഥാനരഹിതവും; വിശദീകരണവുമായി കേരള സ്റ്റോറി 2 നിര്മാതാക്കള്
'കേരള സ്റ്റോറി 2 ഗോസ് ബിയോണ്ഡ് സിനിമയുടെ ടീസര് പിന്വലിക്കുന്നതുമായി ബന്ധപ്പെട്ട് പ്രചരിക്കുന്ന വാര്ത്തകള് വ്യാജവും അടിസ്ഥാനരഹിതവും തെറ്റിദ്ധരിപ്പിക്കുന്നതുമാണെന്ന് ചിത്രത്തിന്റെ നിര്മാണക്കമ്പനിയായ സണ്ഷൈന് പിക്ചേഴ്സ്.
വിഷയം കോടതിയുടെ പരിഗണനയിലാണെന്നും ഏതെങ്കിലും ഉള്ളടക്കം പിന്വലിക്കുന്നതുമായി ബന്ധപ്പെട്ട് ഉത്തരവോ വിധിയോ ഉണ്ടായിട്ടില്ലെന്നും നിര്മാതാക്കള് പ്രസ്താവനയില് അവകാശപ്പെട്ടു.
'ദ കേരളാ സ്റ്റോറി 2- ഗോസ് ബിയോണ്ട്' ടീസര് നീക്കം ചെയ്യുന്നതുമായി ബന്ധപ്പെട്ട് പ്രചരിക്കുന്ന വാര്ത്ത വ്യാജവും അടിസ്ഥാനരഹിതവും തെറ്റിദ്ധരിപ്പിക്കുന്നതുമാണെന്ന് വ്യക്തമാക്കാന് സണ്ഷൈന് പിക്ചേഴ്സ് ആഗ്രഹിക്കുന്നു. വിഷയം നിലവില് കോടതിയുടെ പരിഗണനയിലാണ്. ഒരു കോടതിയും ഒരു ഉള്ളടക്കവും നീക്കാന് ചെയ്യാന് വിധിക്കുകയോ ഉത്തരവ് പുറപ്പെടുവിക്കുകയോ ചെയ്തിട്ടില്ല. ഞങ്ങള് ഒന്നും നീക്കംചെയ്തിട്ടില്ല. 'ദ കേരള സ്റ്റോറി ഗോസ് ബിയോണ്ട്' എന്ന ചിത്രത്തിന്റെ ടീസറും ട്രെയ്ലറും ഞങ്ങളുടെ എല്ലാ ഔദ്യോഗിക പ്ലാറ്റ്ഫോമുകളിലും ലഭ്യമാണ്. സ്ഥിരീകരിക്കാത്ത വിവരങ്ങളും ഊഹാപോഹങ്ങളും പ്രചരിപ്പിക്കരുതെന്ന് മാധ്യമങ്ങളോടും ഡിജിറ്റല് പ്ലാറ്റ്ഫോമുകളോടും വ്യക്തികളോടും ഞങ്ങള് അഭ്യര്ഥിക്കുന്നു. ഇത്തരം തെറ്റായ വിവരങ്ങള് അനാവശ്യ ആശയക്കുഴപ്പം സൃഷ്ടിക്കും', സണ്ഷൈന് പിക്ചേഴ്സ് പ്രസ്താവനയില് വ്യക്തമാക്കി.
