കഞ്ചാവും ഹെറോയിനും ഉള്‍പ്പെടെ വിനോദ ആവശ്യങ്ങള്‍ക്ക് നിയമപരമാക്കാന്‍ പാര്‍ട്ടി ആലോചിക്കുന്നുണ്ടത്രെ. ഏതായാലും അതിരുകളില്ലാതെ വളരെ വിശാലമായി സ്വപ്‌നം കാണുന്ന ഗ്രീന്‍സിന്റെ പ്രഖ്യാപനം മറ്റ് പാര്‍ട്ടികള്‍ കടുത്ത വിമര്‍ശനത്തോടെയാണ് കാണുന്നത്. കുടിയേറ്റത്തിലെ വിട്ടുവീഴ്ച രാജ്യത്തിന്റെ സുരക്ഷിതത്വത്തിനും സാമ്പത്തിക അടിത്തറയ്ക്കും തിരിച്ചടിയാകും.
രാജ്യത്തെ അപകടത്തിലേക്ക് തള്ളിവിടുമെന്നാണ് വിമര്‍ശകര്‍ ഓര്‍മ്മിപ്പിക്കുന്നത്. രാജ്യത്തിന് തിരിച്ചടിയാകുമെന്ന പേരില്‍ കുടിയേറ്റത്തിനെതിരെ ശക്തമായ നിലപാടാണ് റിഫോം യുകെ എടുക്കുന്നത്. ടോറികളും അങ്ങനെതന്നെ. ലേബറും ആ വഴിയ്ക്കാണ് നീങ്ങുന്നത്. അപ്പോഴാണ് ഗ്രീന്‍സ് പാര്‍ട്ടി വ്യത്യസ്ത നിലപാട് കൊണ്ട് ഞെട്ടിക്കുന്നത്.
