അയര്‍ലന്‍ഡിലെ സ്ലൈഗോയിലെ മലയാളി നഴ്‌സ് നൈസിന്‍ തോമസ് (38) അന്തരിച്ചു. ചാലക്കുടി മാളിയേക്കല്‍ ചെറ്റാക്കല്‍ കുടുംബാംഗമാണ്. അന്ത്യകര്‍മ്മങ്ങള്‍ 16ന് തിങ്കളാഴ്ച ഉച്ചകഴിഞ്ഞ് രണ്ടു മണിക്ക് ബാലിസോഡെയറിലെ സെന്റ് ബ്രിജിഡ്സ് ചര്‍ച്ചില്‍ (F91RH70) നടക്കും. പൊതുദര്‍ശനം നാളെ (ഞായറാഴ്ച) ഉച്ചയ്ക്ക് 12:30 മുതല്‍ 3:30 വരെ സ്ലൈഗോ കാര്‍ട്രോണ്‍ ക്രോസിലുള്ള ഷോണ്‍ ഫീലിസ് ഫ്യൂണറല്‍ ഹോമില്‍ (F91EH98) വെച്ച് നടക്കും.
യൂണിവേഴ്‌സിറ്റി ഹോസ്പിറ്റലിലെ ഡയാലിസിസ് നഴ്‌സായിരുന്നു നൈസിന്‍. ഇവിടെ തന്നെ ജോലി ചെയ്യുന്ന നഴ്‌സായ ആല്‍ബിന്‍ സെബാസ്റ്റ്യന്‍ സ്രാറ്റേലാണ് ഭര്‍ത്താവ്.
മക്കള്‍: നെതന്‍ സെബാസ്റ്റ്യന്‍ സ്രാറ്റേല്‍, തോമസ് ഡേവിഡ് സ്രാറ്റേല്‍. പിതാവ് സി.എ. തോമസ്, മാതാവ് ശോഭ തോമസ്.
സഹോദരങ്ങള്‍: സെറിന്‍ തോമസ് (നഴ്‌സ്, ഓസ്ട്രേലിയ), ഏയ്ഞ്ചല്‍ തോമസ് (അയര്‍ലന്‍ഡ്).
ബാംഗ്ലൂര്‍ ഗൗതം കോളേജ് ഓഫ് നഴ്‌സിംഗില്‍ നിന്ന് പഠനം പൂര്‍ത്തിയാക്കിയ നൈസിന്‍, പൂനെ റൂബി ഹാള്‍ ക്ലിനിക്ക്, ഒമാന്‍ മിനിസ്ട്രി ഓഫ് ഹെല്‍ത്ത്, എന്നിസ്‌ക്രോണിലെ സോനാസ് നഴ്‌സിംഗ് ഹോം എന്നിവിടങ്ങളില്‍ സേവനമനുഷ്ഠിച്ചിട്ടുണ്ട്.
നൈസിന്‍ തോമസിന്റെ നിര്യാണത്തില്‍ ഇന്ത്യന്‍ അസോസിയേഷന്‍ ഓഫ് സ്ലൈഗോ, സ്ലൈഗോ മലയാളി അസോസിയേഷന്‍, സെന്റ് തോമസ് സിറോ മലബാര്‍ ചര്‍ച്ച്, സെന്റ് തോമസ് ഇന്ത്യന്‍ ഓര്‍ത്തഡോക്‌സ് ചര്‍ച്ച്, ഇമ്മാനുവല്‍ ഗോസ്പല്‍ മിഷന്‍ ചര്‍ച്ച്, മാര്‍ത്താശ്മൂനി യാക്കോബായ ചര്‍ച്ച്, നോര്‍ത്ത് വെസ്റ്റ് ഹിന്ദു കള്‍ച്ചറല്‍ സൊസൈറ്റി തുടങ്ങിയ സംഘടനകള്‍ അനുശോചനം രേഖപ്പെടുത്തി.
