ഏക മകനെ തനിച്ചാക്കി കാന്‍സര്‍ പോരാളിയായ റെക്‌സാമിലെ മലയാളി നഴ്സ് യാത്രയായി. പാലക്കാട് സ്വദേശിനിയും വേങ്ങമലയില്‍ കുടുംബാംഗവുമായ ടിന്റു മാത്യു(35)വാണ് മരണത്തിന് കീഴടങ്ങിയത്. സിംഗിള്‍ മദറായിരുന്ന ടിന്റു ഏകമകനായ ആരോണ്‍ എന്ന അഞ്ചു വയസുകാരനെ നാട്ടില്‍ പ്രിയപ്പെട്ടവരെ ഏല്‍പ്പിച്ചാണ് യുകെയിലേക്ക് ജോലിക്കെത്തിയത്. ഇപ്പോള്‍ ടിന്റുവിന്റെ മരണവാര്‍ത്തയറിഞ്ഞ് കണ്ണീര്‍ക്കടലിലാണ് കുടുംബം ഒന്നടങ്കം.
റെക്‌സാം ഹോസ്പിറ്റലിലെ സ്റ്റാഫ് നഴ്‌സായിരുന്നു ടിന്റു. ആദ്യമെത്തിയ കാന്‍സര്‍ രോഗത്തില്‍ നിന്നും മുക്തയായ ടിന്റു പുതിയ ജീവിതത്തിലേക്ക് പ്രതീക്ഷയോടെ chuവെച്ച് നടക്കവേയാണ് വീണ്ടും രോഗമെത്തിയത്. അതേസമയം, ടിന്റുവിന്റെ സംസ്‌കാരം യുകെയില്‍ തന്നെയാണ് നടത്താന്‍ തീരുമാനിച്ചിരിക്കുന്നത്. അമ്മയെ അവസാന നോക്കുകാണാന്‍ കുഞ്ഞിനെ ഇവിടേക്ക് കൊണ്ടുവരാന്‍ ശ്രമിക്കുന്നുണ്ട്.
