നടി തൃഷയുമായി ബന്ധപ്പെട്ട് ഉയര്‍ന്ന അഭ്യൂഹങ്ങളെക്കുറുച്ചും ഭാര്യ സംഗീത സോണലിംഗവുമായുള്ള പ്രശ്‌നങ്ങളെക്കുറിച്ചും പ്രതികരിച്ച് നടനും തമിമിഴക വെട്രി കഴകം (ടിവികെ) അധ്യക്ഷനുമായ വിജയ്. തിരുനെല്‍വേലിയില്‍ നടന്ന റാലിക്കിടെയാണ് അദ്ദേഹത്തിന്റെ പ്രതികരണം. രാഷ്ട്രീയ എതിരാളികളാണ് സമീപകാലത്തെ എല്ലാ പ്രശ്‌നങ്ങള്‍ക്കും കാരണമെന്നാണ് വിജയ് ആരോപിക്കുന്നത്.
വിജയ്‌യെ കുറ്റപ്പെടുത്താനല്ലാതെ എതിരാളികള്‍ക്ക് മറ്റൊന്നും അറിയില്ലെന്ന് അദ്ദേഹം ആരോപിച്ചു. എതിരാളികള്‍ തന്റെ വ്യക്തിജീവിതം ലക്ഷ്യം വെക്കാന്‍ തുടങ്ങിയിട്ടും താന്‍ മുന്നോട്ട് പോയി. അതും വിജയിക്കാതിരുന്നതോടെ അവര്‍ കാത്തിരുന്ന് തെരഞ്ഞെടുപ്പിന് 30 ദിവസം മുന്‍പ് എന്നോട് അടുപ്പമുള്ളവരെക്കുറിച്ച് അഭ്യൂഹങ്ങള്‍ പരത്തി. അതും വിജയിച്ചില്ല. എത്ര പരീക്ഷണങ്ങളും വേദനകളും തന്റെമേല്‍ പതിപ്പിച്ചാലും തന്നെ ജനങ്ങളില്‍ നിന്ന് അകറ്റാന്‍ കഴിയില്ലെന്നും വിജയ് പറഞ്ഞു.
