പുതിയ റെന്റേഴ്സ് റൈറ്റ്സ് ആക്റ്റ് മെയ് 1 മുതല് പ്രാബല്യത്തില് വരാനിരിക്കെ വാടകക്കാരെ തിടുക്കപ്പെട്ട് ഒഴിപ്പിക്കാനുള്ള ശ്രമത്തില് പല വീട്ടുടമകളും. ഇംഗ്ലണ്ടിലെ വാടകക്കാര്ക്ക് കൂടുതല് അവകാശങ്ങള് നല്കുന്നതാണ് പുതിയ നിയമം. പുതിയ നിയമ പ്രകാരം വീട്ടുടമസ്ഥര്ക്ക് വാടകക്കാരെ മതിയായ കാരണമില്ലാതെ ഒഴിപ്പിക്കാന് കഴിയില്ല. മാത്രമല്ല, ഒരു നിശ്ചിത കാലാവധിയിലേക്ക് കരാര് ഉണ്ടാക്കാനും കഴിയില്ല. രണ്ട് മാസത്തെ മുന്കൂര് നോട്ടീസ് നല്കി വാടകക്കാര്ക്ക് എപ്പോള് വേണമെങ്കിലും ഒഴിഞ്ഞു പോകാന് സാധിക്കും.
അതിനുപുറമെ, വീടിന്റെ ശോചനീയാവസ്ഥ, അന്യായമായ വാടക വര്ധിപ്പിക്കല് എന്നിവയെയൊക്കെ ഭയം കൂടാതെ ചോദ്യം ചെയ്യാനുള്ള അവകാശവും വാടകക്കാര്ക്ക് ലഭിക്കും. ആറ് മാസം മുന്പ് ഈ നിയമത്തിന്റെ രാജാവ് അംഗീകാരം നല്കിയപ്പോള് തന്നെ ഇംഗ്ലണ്ടിലെ വാടകക്കാരില് 11 ശതമാനത്തോളം പേരെ ഒഴിപ്പിക്കുകയോ ഒഴിപ്പിക്കാനുള്ള നോട്ടീസ് നല്കുകയോ ചെയ്തിരുന്നു. ലണ്ടനില് ഇത് 12 ശതമാനമായിരുന്നു.
മാത്രമല്ല, ഒരേ സ്ഥലത്ത് തന്നെ കഴിഞ്ഞ നവംബര് മുതല് താമസിക്കുന്ന വാടകക്കാരില് പത്തില് മൂന്ന് പേര്ക്ക് വീതം വാടക വര്ധിക്കുകയും ചെയ്തതായി പഠന റിപോര്ട്ട് വെളിപ്പെടുത്തുന്നു.
