ഇറാന് പ്രതിസന്ധിയില് യുകെയില് സകല മേഖലകളെയും ബാധിക്കുന്നു. ആഴ്ചകള്ക്കുള്ളില് രാജ്യത്തു ഇന്ധന, മെഡിസിന് ക്ഷാമം രൂക്ഷമാകുമെന്നാണ് മുന്നറിയിപ്പ്.
ഹോര്മുസ് കടലിടുക്ക് അടച്ചിട്ടിരിക്കുന്നതാണ് വിതരണ ശൃംഖലയെ സാരമായി ബാധിച്ചിരിക്കുന്നത്. യുദ്ധം നീണ്ടുപോകുമ്പോള് നേരിടാന് സാധ്യതയുള്ള പ്രത്യാഘാതങ്ങളെ കുറിച്ച് ജനങ്ങളെ അറിയിക്കാന് നം.10-നോട് ആവശ്യപ്പെടുകയാണ് മുതിര്ന്ന ഉദ്യോഗസ്ഥര്. വിമാനങ്ങളിലൂടെ എത്തിക്കുന്ന അവശ്യ വസ്തുക്കള് മൂന്നാഴ്ചത്തേക്ക് മാത്രമാണ് തികയുകയെന്നാണ് റിപ്പോര്ട്ട്.
യുകെ വിമാനകമ്പനികള്ക്ക് അധിക സര്വ്വീസുകള് കൂട്ടിച്ചേര്ക്കാനും ഇപ്പോള് സാധിക്കുന്നില്ല. സുപ്രധാന എന്എച്ച്എസ് മരുന്നുകള്ക്ക് ഇതിനകം തന്നെ നിരക്ക് കുതിച്ചുയര്ന്നിട്ടുണ്ട്. ചില ഫാര്മസികള് 11 ഇരട്ടി വര്ദ്ധനവാണ് ഫെബ്രുവരി മുതല് നടപ്പാക്കിയിരിക്കുന്നത്.
എന്നാല് ഇതിലൊന്നും ശ്രദ്ധിക്കാതെ കീര് സ്റ്റാര്മര് തന്റെ പ്രധാനമന്ത്രി കസേര സംരക്ഷിക്കാനുള്ള നെട്ടോട്ടത്തിലാണ്എന്നാണു ആക്ഷേപം. അതുകൊണ്ട് ഇറാന് പ്രതിസന്ധിയുടെ ആഘാതത്തില് നിന്നും ജനങ്ങളെ സംരക്ഷിച്ച് നിര്ത്താനുള്ള പരിശ്രമങ്ങളൊന്നും നടക്കുന്നില്ലെന്നാണ് സീനിയര് ഗവണ്മെന്റ് സ്രോത സുകളെ ഉദ്ധരിച്ച് റിപ്പോര്ട്ടുകള് പുറത്തുവരുന്നത്.
