റസൂല് പൂക്കുട്ടിയുമായി ബന്ധപ്പെട്ട ഗര്ഭിണി പോസ്റ്റില് വിശദീകരണവുമായി സജ്ന നൂര്
രണ്ട് മാസം ഗര്ഭിണിയാണെന്ന് അറിയിച്ച് ഇന്സ്റ്റഗ്രാം സ്റ്റോറി പങ്കുവച്ച സംഭവത്തില് വിശദീകരണവുമായി ബിഗ് ബോസ് താരം സജ്ന നൂര്. സോഷ്യല് മീഡിയ അക്കൗണ്ട് ഹാക്ക് ചെയ്യപ്പെട്ടെന്നും അക്കൗണ്ട് വീണ്ടെടുത്തിട്ട് കുറച്ച് സമയം മാത്രമേ ആയുള്ളുവെന്നും സജ്ന പങ്കുവച്ച വീഡിയോയില് പറയുന്നു. പോസ്റ്റുമായി ബന്ധപ്പെട്ട വാര്ത്ത അറിയുന്നത് സുഹൃത്തുക്കള് വഴിയാണെന്നും ദയവ് ചെയ്ത് എന്നെ കൊല്ലാക്കൊല ചെയ്യരുതെന്നും സജ്ന അറിയിച്ചു. കഴിഞ്ഞ ദിവസമാണ് സജ്നയുടെ ഇന്സ്റ്റഗ്രാം അക്കൗണ്ടില് രണ്ടര മാസം ഗര്ഭിണിയാണെന്ന തരത്തില് ചിത്രങ്ങള് പ്രത്യക്ഷപ്പെട്ടത്. മണിക്കൂറുകള്ക്ക് ശേഷം ഈ പോസ്റ്റ് നീക്കം ചെയ്തിരുന്നു. റസൂല് പൂക്കുട്ടിയും സജ്നയും ഉള്ള ചിത്രവും ഇതോടൊപ്പം ഉണ്ടായിരുന്നു.
'ഞാനുമായി ബന്ധപ്പെട്ട വിവാദ വീഡിയോകള് ഇപ്പോള് വന്നുകൊണ്ടിരിക്കുകയാണ്. ഈ അക്കൗണ്ട് എനിക്ക് കിട്ടിയിട്ട് കുറച്ച് സമയമേ ആയിട്ടുള്ളൂ. എന്റെ അക്കൗണ്ട് ഹാക്ക് ആയേക്കുകയായിരുന്നു. എങ്ങനെയാണ് ഹാക്കായതെന്ന് എനിക്ക് അറിയില്ലായിരുന്നു. എനിക്ക് ഓപ്പണ് ചെയ്യാന് പറ്റിയില്ല. സുഹൃത്തുക്കള് അയച്ച മെസേജിലൂടെയാണ് ഞാന് ഈ വാര്ത്ത അറിയുന്നത്. എന്റെ അക്കൗണ്ട് ഡീല് ചെയ്യുന്നത് ഷാലു ആണ്. അവള്ക്കും അക്കൗണ്ട് ഓപ്പണ് ചെയ്യാന് പറ്റിയില്ല.
അവസാനം എന്തൊക്കെയോ ചെയ്ത് റിക്കവര് ചെയ്ത് എടുത്താണ് അതില് വന്ന പോസ്റ്റുകള് ഡിലീറ്റ് ചെയ്തിട്ടുണ്ട്. വൃത്തികെട്ട രീതിയില് കാര്യങ്ങള് ചെയ്യുകയാണ്. ദയവ് ചെയ്ത് എന്നെ കൊല്ലാക്കൊല ചെയ്യരുത്. ഞാന് കേസ് കൊടുക്കും. എന്നെയും അദ്ദേഹത്തെയും കൊണ്ട് ഒരുപാട് വൃത്തികെട്ട വീഡിയോകള് ചെയ്യുന്നുണ്ട്. അതുകൊണ്ടാണ് ഞാന് ഇക്കാര്യങ്ങള് പറയുന്നത്.
ഇങ്ങനെ ഒരു വീഡിയോ ചെയ്യാന് പറ്റിയ അവസ്ഥയില് അല്ല ഞാന്. അങ്ങേയറ്റം തളര്ന്നിരിക്കുകയാണ്. റിക്കവറായി വരുന്നതേ ഉള്ളൂ. ആര് കൊല്ലാക്കൊല ചെയ്താലും എന്റെ മക്കള്ക്ക് വേണ്ടി ഞാന് ജീവിക്കും. ആരാണെന്ന് ഞാന് പറയുന്നില്ല. നാളെ പരാതി കൊടുത്ത് ആളെ കണ്ടുപിടിക്കും. ആര് ചെയ്താലും അവരെ നിയമത്തിന് മുന്നില് കൊണ്ടുവരും. എനിക്ക് കുട്ടിയായാലും വിവാഹം കഴിച്ചാലും ഞാന് വീഡിയോയിലൂടെ നിങ്ങളെ അറിയിക്കും. അതുവരെ ആരെയും വിശ്വസിക്കരുത്. ഉപകാരം ചെയ്തില്ലെങ്കിലും ഉപദ്രവിക്കരുത്. നിയമത്തിന്റെ വഴിയെ ഞാന് നീങ്ങിക്കോളാം. ആരായാലും ഞാന് നിയമത്തിന് മുന്നില് കൊണ്ടുവരും'- സജ്ന വീഡിയോയില് പറഞ്ഞു.
