ലണ്ടന് ട്യൂബ് ട്രെയിനില് വെച്ച് സ്ത്രീക്ക് നേരെ ലൈംഗികാതിക്രമം നടത്തിയ വ്യക്തിയെ കണ്ടെത്താന് നാട്ടുകാരുടെ സഹായം അഭ്യര്ത്ഥിച്ചിരിക്കുകയാണ് ബ്രിട്ടീഷ് ട്രാന്സ്പോര്ട്ട് പോലീസ്. അതിക്രമം നടത്തിയ വ്യക്തിയുടെ ചിത്രം പോലീസ് പുറത്തുവിട്ടിട്ടുണ്ട്. ഇയാളെ കുറിച്ചുള്ള വിവരങ്ങള് അറിയാവുന്നവര് പോലീസുമായി ബന്ധപ്പെടണം എന്നാണ് പോലീസ് അഭ്യര്ത്ഥിക്കുന്നത്. മെയ് 7 ന് ഉച്ച കഴിഞ്ഞ് 2 മണിക്കും 3 മണിക്കും ഇടയിലാണ് സംഭവമുണ്ടായതെന്ന് അന്വേഷണോദ്യോഗസ്ഥര് പറഞ്ഞു. പിന്നീട് ഇയാള് നോര്ത്താംപ്ടണ് റെയില്വേ സ്റ്റേഷനില് ഇറങ്ങിയതായാണ് വിവരം.
ഇപ്പോള് പുറത്തുവിട്ടിട്ടുള്ള ചിത്രത്തിലെ വ്യക്തിക്ക് സംഭവവുമായി ബന്ധപ്പെട്ട കൂടുതല് വിവരങ്ങള് നല്കാന് കഴിയുമെന്നാണ് പോലീസ് ഉദ്യോഗസ്ഥര് പറയുന്നത്. ഇയാളെ കണ്ടെത്താന് സഹായിക്കണമെന്നും പോലീസ് പൊതുജനങ്ങളോട് അഭ്യര്ത്ഥിച്ചിരിക്കുന്നത്.
