ലൈംഗികാതിക്രമ കേസില്‍ മലയാളി യുവാവിന് 11 വര്‍ഷം തടവ് ശിക്ഷ വിധി കോടതി. കോള്‍വിന്‍ ബേയില്‍ നിന്നുള്ള കെയര്‍ ഹോം ജീവനക്കാരിയായ സ്ത്രീയെ ബലാത്സംഗം ചെയ്യുകയും മറ്റൊരു സ്ത്രീയെ ലൈംഗികമായി ഉപദ്രവിക്കുകയും ചെയ്തതിന് ആണ് മലയാളി യുവാവ് അകത്തായത്. 39 കാരനായ വിഷ്ണു രമാദേവിയെയാണ് വ്യാഴാഴ്ച മോള്‍ഡ് ക്രൗണ്‍ കോടതി 11.5 വര്‍ഷത്തെ തടവിന് ശിക്ഷിച്ചത് എന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു .ജയില്‍ ശിക്ഷ അനുഭവിച്ചുകഴിഞ്ഞാല്‍ പ്രതിയെ നാടുകടുത്തുമെന്നും ഉത്തരവില്‍ പറയുന്നു. ബലാത്സംഗം, ലൈംഗികാതിക്രമം, ഭീഷണിപ്പെടുത്തല്‍, മനഃപൂര്‍വ്വം ശ്വാസം മുട്ടിച്ച് കീഴ്‌പ്പെടുത്തല്‍ തുടങ്ങിയ കുറ്റങ്ങളാണ് ഇയാള്‍ക്കെതിരെ ചുമത്തിയിരിക്കുന്നത്.
പരാതിക്കാരായ സ്ത്രീകളില്‍ ഒരാളെ ലൈംഗിക ബന്ധത്തില്‍ ഏര്‍പ്പെടാന്‍ നിര്‍ബന്ധിക്കുകയും ക്രൂരമായ പീഡനത്തിന് ഇരയാക്കിയതായും പ്രോസിക്യൂട്ടര്‍ മാത്യു ഡണ്‍ഫോര്‍ഡ് കോടതിയില്‍ വാദിച്ചു. പ്രതിയേ പ്രതിനിധീകരിച്ച അഡ്വക്കേറ്റ് കോടതിയില്‍ പ്രതിയുടെ കുറ്റസമ്മതം അംഗീകരിക്കണമെന്ന് ആവശ്യപ്പെടുകയും കെയര്‍ ഹോമുകളില്‍ രാത്രി ഷിഫ്റ്റുകളില്‍ ജോലി ചെയ്യുന്ന ഇയാള്‍ക്കെതിരെ മുന്‍പ് പരാതികളൊന്നും ലഭിച്ചിട്ടില്ലെന്നും കോടതിയില്‍ വാദിച്ചു.
എന്നാല്‍ പരാതിക്കാരില്‍ നിന്നുമുള്ള ഡിഎന്‍എ തെളിവുകള്‍ അടക്കം ശേഖരിച്ചതോടെ പ്രതിക്കെതിരെ തെളിവുകളായി. കേസില്‍ ശിക്ഷ വിധിക്കുമ്പോള്‍, ജഡ്ജി തിമോത്തി പെറ്റ്‌സ് വിഷ്ണു രമാദേവിയുടെ പെരുമാറ്റത്തെ 'ഭയാനകം' എന്നാണ് വിശേഷിപ്പിച്ചത്.മാത്രമല്ല പ്രതി ഒരു അപകടകാരിയായ കുറ്റവാളിയാണ്,' ജഡ്ജി പെറ്റ്‌സ് വിധിക്കിടെ പ്രസ്താവിച്ചു.ജയില്‍ ശിക്ഷയുടെ മൂന്നില്‍ രണ്ട് ഭാഗം വരെ അനുഭവിക്കേണ്ടിവരുന്ന വിഷ്ണുവിനെ അതിനുശേഷം ജയില്‍ മോചിതനാക്കിയ ശേഷം നാട് കടത്തും. 2025 നവംബര്‍ 7 ന് ആണ് ഈ കേസില്‍ വിഷണു രമാദേവിയെ വീട്ടില്‍ നിന്നും പോലീസ് അറസ്റ്റ് ചെയ്തത്.
