തമിഴ്നാട് മുഖ്യമന്ത്രി ജോസഫ് വിജയ് നായകനാവുന്ന 'ജനനായകന്‍' സിനിമ റിലീസാവും മുമ്പ് ഓണ്‍ലൈനില്‍ കണ്ടത് 1.2 കോടി ആളുകള്‍. 'ജനനായകന്‍' ചോര്‍ച്ചക്കേസില്‍ പ്രോസിക്യൂഷന്‍ മദ്രാസ് ഹൈക്കോടതിയെ അറിയിച്ചതാണ് ഇക്കാര്യം. സെന്‍സര്‍ ബോര്‍ഡുമായുള്ള തര്‍ക്കത്തെ തുടര്‍ന്നാണ് ചിത്രത്തിന്റെ റിലീസ് വൈകുന്നത്.
ചിത്രത്തിന്റെ അനധികൃത പ്രദര്‍ശനം തടയുന്നതിനായി നിര്‍മ്മാതാക്കളായ കെവിഎന്‍ പ്രൊഡക്ഷന്‍സ് ഹൈക്കോടതിയില്‍ സിവില്‍ സ്യൂട്ട് ഫയല്‍ ചെയ്യുകയും, ഇടക്കാല സ്റ്റേ ഉത്തരവ് വാങ്ങുകയും ചെയ്തിരുന്നു. കേസിലെ രണ്ട് പ്രതികള്‍ ഒളിവിലാണെന്നും, ഈ കുറ്റകൃത്യത്തിന് പിന്നില്‍ നടന്ന സാമ്പത്തിക ഇടപാടുകള്‍ പുറത്തുകൊണ്ടുവരാന്‍ ഇവരെ അറസ്റ്റ് ചെയ്യേണ്ടത് അനിവാര്യമാണെന്നും സര്‍ക്കാര്‍ അഭിഭാഷകന്‍ കോടതിയില്‍ വാദിച്ചു.
