എന്എച്ച്എസില് വന്തോതില് അനസ്തെറ്റിസ്റ്റുകളുടെ ക്ഷാമം നേരിടുന്നു. ഇതുവഴി വര്ഷത്തില് 1.5 മില്ല്യണ് ഓപ്പറേഷനുകള് നടക്കാതെ പോകുന്നതായാണ് റിപ്പോര്ട്ട്. ഇംഗ്ലണ്ട്, സ്കോട്ട്ലണ്ട്, വെയില്സ്, നോര്ത്തേണ് അയര്ലണ്ട് എന്നിവിടങ്ങളിലായി 8 മില്ല്യണിലേറെ രോഗികളാണ് വെയ്റ്റിംഗ് ലിസ്റ്റിലുള്ളത്. ഇതില് പലര്ക്കും അടിയന്തര സര്ജറികള് ആവശ്യമുള്ളവരുമാണ്.
എന്നാല് ഇത് നടത്താന് പര്യാപ്തമായ തോതില് അനസ്തെറ്റിസ്റ്റുകള് ഇല്ലെന്നതാണ് ഭയപ്പെടുത്തുന്ന കണക്കുകള്. ഓപ്പറേഷന് മുന്പും, ഇടയ്ക്കും, ശേഷവും അനസ്തേഷ്യയും, വേദനയ്ക്ക് ആശ്വാസം നല്കാനും കഴിവുള്ള സ്പെഷ്യലിസ്റ്റ് ഡോക്ടര്മാരാണ് അനസ്തെറ്റിസ്റ്റുകള്.
ഇവരുടെ ക്ഷാമം ദിവസേന നടക്കേണ്ട 4000 പ്രൊസീജ്യറുകളാണ് തടയുന്നത്. യുകെയില് ആവശ്യമുള്ളതിനേക്കാള് 2256 അനസ്തെറ്റിസ്റ്റുകളുടെ കുറവാണ് നേരിടുന്നത്. എന്എച്ച്എസിലെ റെക്കോര്ഡ് വെയ്റ്റിംഗ് ലിസ്റ്റ് കുറയ്ക്കാന് ഈ സ്പെഷ്യലിസ്റ്റുകളുടെ ആവശ്യം ഏറെ പ്രസക്തവുമാണ്.
ഈ പ്രതിസന്ധി മൂലം ആയിരക്കണക്കിന് രോഗികളാണ് വേദനയോടെ കാത്തിരിക്കേണ്ടി വരുന്നത്. കാത്തിരിപ്പ് പട്ടികയില് തങ്ങളുടെ അവസരം നോക്കിയിരുന്ന് പലരുടെയും ശാരീരികവും, മാനസികവുമായ ആരോഗ്യം കുറയുകയും ചെയ്യുന്നതായി റിപ്പോര്ട്ട് പറയുന്നു.
