ന്യൂഡല്ഹി: ഒടുവില് വിദ്യാര്ത്ഥി സമരത്തിന് മുന്നില് മുട്ടുമടക്കി കേന്ദ്ര സര്ക്കാര്. കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാന് രാജിവെച്ചു. സമരക്കാരുടെ പ്രധാന ആവശ്യങ്ങളിലൊന്നായിരുന്നു ധര്മേന്ദ്ര പ്രധാന്റെ രാജി. ധര്മേന്ദ്ര പ്രധാന് രാജിവെക്കേണ്ടതില്ലെന്നായിരുന്നു കേന്ദ്ര സര്ക്കാറിന്റെ ആദ്യ നിലപാട്. എന്നാല് പ്രധാന് രാജിവെക്കാതെ പിന്നോട്ടില്ലെന്ന് സമരക്കാരും തീരുമാനമെടുത്തു. ഇതോടെ കേന്ദ്ര സര്ക്കാര് സമ്മര്ദ്ദത്തിന് വഴങ്ങുകയായിരുന്നു.
ഉത്തരവാദിത്വം നല്ല നിലയില് പൂര്ത്തിയാക്കിയെന്നായിരുന്നു രാജിക്ക് പിന്നാലെ ധര്മേന്ദ്ര പ്രധാന് പ്രതികരിച്ചത്. ചോദ്യപ്പേപ്പര് ചോര്ച്ചയില് വിട്ടുവീഴ്ചയില്ലാത്ത നിലപാട് സ്വീകരിച്ചു. യുവാക്കള് ആണ് ഇന്ത്യയുടെ ശക്തിയെന്നും ധര്മേന്ദ്ര പ്രധാന് കൂട്ടിച്ചേര്ത്തു. രാജ്യത്തിന്റെ ഐക്യം നിലനിര്ത്താനാണ് രാജി.
1997-ല് ഒഡിഷയില് കോണ്ഗ്രസ് ഭരണകാലത്ത് ചോദ്യപേപ്പര് ചോര്ന്നപ്പോള്, അവിടത്തെ സെക്രട്ടേറിയറ്റിന് മുന്നില് ആയിരത്തിയഞ്ഞൂറോളം വിദ്യാര്ഥികളെ അണിനിരത്തി സമരം നയിച്ച എബിവിപി. ദേശീയ സെക്രട്ടറിയായിരുന്നു ധര്മേന്ദ്ര പ്രധാന്.
