ഇറാന് യുദ്ധത്തെ തുടര്ന്ന് എണ്ണവിലയും പണപ്പെരുപ്പവും ഉയര്ന്ന നിലയില് തുടരുകയാണെങ്കില് ബ്രിട്ടീഷ് സര്ക്കാര് ശരത്കാല ബജറ്റില് കടുത്ത സാമ്പത്തിക തീരുമാനങ്ങള് എടുക്കേണ്ടിവരുമെന്ന് പ്രമുഖ സാമ്പത്തിക ഗവേഷണ സ്ഥാപനമായ നാഷണല് ഇന്സ്റ്റിറ്റ്യൂട്ട് ഓഫ് എകണോമിക് ആന്ഡ് സോഷ്യല് റിസര്ച്ചിന്റെ മുന്നറിയിപ്പ്
പുതിയ പ്രധാനമന്ത്രി ആന്ഡി ബേണ്ഹാം വളരെ ബുദ്ധിമുട്ടേറിയ സാമ്പത്തിക സാഹചര്യമാണ് ഏറ്റെടുത്തിരിക്കുന്നതെന്നും പൊതുസേവനങ്ങള് മെച്ചപ്പെടുത്താനുള്ള അദ്ദേഹത്തിന്റെ പദ്ധതികള് എത്രത്തോളം പ്രതിസന്ധി കൂട്ടുമെന്നതും ആശങ്കയുണ്ടാക്കുന്ന കാര്യങ്ങളാണ്.
ഇറാന് സംഘര്ഷത്തെ തുടര്ന്ന് എണ്ണവില ഒരു ഘട്ടത്തില് ബാരലിന് 100 ഡോളറിന് മുകളിലെത്തുകയും മാര്ച്ച് മുതല് ഹോര്മുസ് കടലിടുക്ക് ഗതാഗതത്തിന് ഗുരുതര തടസ്സം നേരിടുകയും ചെയ്ത സാഹചര്യത്തില്, അടുത്ത ഏഴ് മാസത്തിനുള്ളില് ബ്രിട്ടനിലെ പണപ്പെരുപ്പം 3.8 ശതമാനമായി ഉയരുമെന്നാണ് പ്രവചനം.
ഇതോടെ ധനമന്ത്രി ജോണ് ഹാലി പൊതുസേവനങ്ങളും സാമൂഹികക്ഷേമ പദ്ധതികളും നിലവിലെ മൂല്യത്തില് നിലനിര്ത്താന് അധികമായി 24 ബില്യണ് പൗണ്ട് കണ്ടെത്തേണ്ടിവരുമെന്നും റിപ്പോര്ട്ടില് ചൂണ്ടിക്കാട്ടുന്നു.
ഊര്ജവില വര്ധനയും മിഡില് ഈസ്റ്റ് സംഘര്ഷം സൃഷ്ടിച്ച അനിശ്ചിതത്വവും ബ്രിട്ടീഷ് സമ്പദ്വ്യവസ്ഥയെ പ്രതികൂലമായി ബാധിക്കുമെന്ന് റിപ്പോര്ട്ട് പറയുന്നു.
