ബ്രിട്ടീഷ് എയര്വേയ്സിന്റെ യാത്രാവിമാനം ഹീത്രൂ വിമാനത്താവളത്തില് ഇറങ്ങുന്നതിനിടെ ഗുരുതര സാങ്കേതിക തകരാറിനെ തുടര്ന്ന് വന് ദുരന്തം ഒഴിവായതായി റിപ്പോര്ട്ട്. 180 യാത്രക്കാരുമായി ജര്മ്മനിയിലെ ഡ്യൂസല്ഡോര്ഫില് നിന്ന് ലണ്ടനിലേക്ക് വന്ന BA919 വിമാനമാണ് ജൂലൈ 6-ന് അപകടഭീഷണി നേരിട്ടത്.
റിപ്പോര്ട്ടുകള് പ്രകാരം, ലണ്ടനിലെ കാനറി വാര്ഫിന് മുകളിലൂടെ ഏകദേശം 4,000 അടി ഉയരത്തില് പറക്കുന്നതിനിടെയാണ് വിമാനത്തിന്റെ എയര് ഡാറ്റ സിസ്റ്റങ്ങളിലൊന്ന് തകരാറിലായത്. വിമാനത്തിന്റെ വേഗത, ഉയരം തുടങ്ങിയ നിര്ണായക വിവരങ്ങള് നല്കുന്ന സംവിധാനമാണ് ഇത്.
സാങ്കേതിക തകരാറിനെ തുടര്ന്ന് വിമാന എഞ്ചിന് തകരാറിലായ അവസ്ഥയിലായതായി റിപ്പോര്ട്ടുകളുണ്ട്. വിമാനത്തിന്റെ ചിറകുകള്ക്ക് ആവശ്യമായ ലിഫ്റ്റ് ലഭിക്കാതെ നിയന്ത്രണം നഷ്ടപ്പെടാന് സാധ്യതയുള്ള അതീവ അപകടകരമായ അവസ്ഥയാണിത്.
പ്രശ്നം പരിഹരിക്കാന് ആദ്യം ശ്രമിച്ചത് സഹപൈലറ്റായ ഫസ്റ്റ് ഓഫീസറാണെന്നാണ് വിവരം. എന്നാല് ആ ശ്രമം വിജയിക്കാതിരുന്നതോടെ ക്യാപ്റ്റന് നേരിട്ട് നിയന്ത്രണം ഏറ്റെടുത്ത് വിമാനം സുരക്ഷിതമായി നിയന്ത്രണത്തിലാക്കുകയും അപകടം ഒഴിവാക്കുകയും ചെയ്തതായി റിപ്പോര്ട്ടുകള് പറയുന്നു.
ഹീത്രൂ വിമാനത്താവളത്തിലേക്ക് ഇറങ്ങുന്നതിനിടെയുണ്ടായ ഈ സംഭവത്തില് അന്വേഷണം തുടങ്ങി.
