അന്താരാഷ്ട്ര ബഹിരാകാശ നിലയത്തിന് പുറത്തുള്ള തന്റെ ആദ്യ സ്‌പേസ് വാക്കിനായി തയ്യാറെടുത്ത് പാലക്കാട് ഒറ്റപ്പാലത്ത് വേരുകളുള്ള നാസ ബഹിരാകാശ യാത്രികന്‍ അനില്‍ മേനോന്‍. സ്‌പേസ് വാക്ക് 2026 ഓഗസ്റ്റ് 6-ന്, വ്യാഴാഴ്ച, ഇന്ത്യന്‍ സമയം വൈകുന്നേരം 6:05-ന് ആരംഭിക്കും. അന്താരാഷ്ട്ര ബഹിരാകാശ നിലയത്തിന്റെ സൗരോര്‍ജ്ജ സംവിധാനം ആധുനികവത്കരിക്കുന്നതിന്റെ ഭാഗമായാണ് ഏഴ് മണിക്കൂര്‍ നീണ്ടുനില്‍ക്കുന്ന സ്‌പേസ് വാക്ക് നടത്തുന്നത്.
പരിചയസമ്പന്നയായ നാസ ബഹിരാകാശ യാത്രിക ജസീക്ക മെയറിനൊപ്പമായിരിക്കും അനില്‍ മേനോന്‍ ദൗത്യത്തില്‍ പങ്കെടുക്കുക. ബഹിരാകാശ നിലയത്തിന്റെ കമാന്‍ഡറായ ജസീക്ക മെയറും ഫ്‌ളൈറ്റ് എഞ്ചിനിയറായ അനില്‍ മേനോനും ക്വസ്റ്റ് എയര്‍ലോക്കിലൂടെ പുറത്തുകടന്ന് സ്റ്റാര്‍ബോര്‍ഡ്-6 (S6) ട്രസ്സില്‍ പുതിയ ഹാര്‍ഡ്‌വെയര്‍ സ്ഥാപിക്കും.
നിലയത്തിന്റെ ഊര്‍ജ്ജ ഉത്പാദനം വര്‍ധിപ്പിക്കുന്നതിന് രൂപകല്‍പ്പന ചെയ്തിട്ടുള്ള പുതിയ സൗരോര്‍ജ പാനലുകള്‍ സ്ഥാപിക്കുന്നതിനുള്ള മുന്നൊരുക്കങ്ങളുടെ ഭാഗമായാണിത്. ശാസ്ത്രീയ ഗവേഷണങ്ങള്‍, ദൈനംദിന പ്രവര്‍ത്തനങ്ങള്‍, നിലയത്തിന്റെ സുരക്ഷിതമായ നിയന്ത്രിത ഡി-ഓര്‍ബിറ്റ് എന്നിവയെ പിന്തുണയ്ക്കുന്നതിനാണ് പുതിയ സൗരോര്‍ജ പാനലുകള്‍ സ്ഥാപിക്കുന്നത്. ശാസ്ത്രീയ ഗവേഷണങ്ങള്‍, ദൈനംദിന പ്രവര്‍ത്തനങ്ങള്‍, നിലയത്തിന്റെ സുരക്ഷിതമായ നിയന്ത്രിത ഡി-ഓര്‍ബിറ്റ് എന്നിവയെ പിന്തുണയ്ക്കുന്നതിനാണ് പുതിയ സൗരോര്‍ജ പാനലുകള്‍ സ്ഥാപിക്കുന്നത്.
