എ-ലെവല് ഫലങ്ങള് വ്യാഴാഴ്ച വരാനിരിക്കുകയാണ്. ഇതിന്റെ റിസല്റ്റ് അനുസരിച്ച് യൂണിവേഴ്സിറ്റികളില് ചേരാന് കാത്തിരിക്കുകയാണ് വിദ്യാര്ത്ഥികള്. എന്നാല് മോഹിക്കുന്ന കോഴ്സുകള് ബ്രിട്ടനില് ജോലി കിട്ടാന് സാധ്യത 'ഇല്ലാതാക്കുന്ന' ഡിഗ്രികളാണോ എന്ന് അറിഞ്ഞിരിക്കുന്നത് എല്ലാവരുടെയും ഭാവി തീരുമാനം മികച്ചതാക്കാന് സഹായിക്കും.
ഏകദേശം 20 കോഴ്സുകളാണ് ഗ്രാജുവേറ്റുകളെ അഞ്ച് വര്ഷത്തോളം ജോലിക്ക് പുറത്തിരുത്തുന്നതായി കണ്ടെത്തിയിരിക്കുന്നത്. യൂണിവേഴ്സിറ്റി ഓഫ് വെസ്റ്റ് ലണ്ടനിലെ ക്രിയേറ്റീവ് ആര്ട്സ് & ഡിസൈന് കോഴ്സാണ് ഏറ്റവും മോശം. ഇത് പഠിച്ച 23.7 ശതമാനം പേര്ക്കും ജോലിയില്ല. മാത്രമല്ല ശരാശരി ശമ്പളം കേവലം 24,900 പൗണ്ട് മാത്രമാണ്.
യൂണിവേഴ്സിറ്റി ഓഫ് ഈസ്റ്റ് ലണ്ടനിലെ ബിസിനസ്സ് & മാനേജ്മെന്റ് കോഴ്സാണ് രണ്ടാമത്തെ മോശം റെക്കോര്ഡുള്ളത്. ഡിഗ്രി പഠനകാലത്ത് 50,000 പൗണ്ട് വരെ കടം നേടുന്ന ഗ്രാജുവേറ്റുകള് പഠിച്ചിറങ്ങി ജോലി കിട്ടുമ്പോള് ഇത് വീട്ടാമെന്നാണ് മോഹിക്കുക. എന്നാല് യാഥാര്ത്ഥ്യം ഇതിന് വിപരീതവുമാണ്.
