ക്ലാക്ടണ്‍ ഉപതിരഞ്ഞെടുപ്പില്‍ റീഫോം യുകെ നേതാവ് നിഗല്‍ ഫരാഗ് അനായാസമായി വിജയിച്ചു. പ്രധാന രാഷ്ട്രീയ പാര്‍ട്ടികളൊക്കെ തിരഞ്ഞെടുപ്പില്‍ ബഹിഷ്കരണം നടത്തിയതോടെ കൗണ്ട് ബിന്‍ഫേസ് ആണ് ഫാരേഗിന്റെ പ്രധാന എതിരാളിയായത്.
34 സ്ഥാനാര്‍ഥികള്‍ മത്സരിച്ച തിരഞ്ഞെടുപ്പില്‍ ഫരാഗ് 22,239 വോട്ടുകള്‍ (63.34%) നേടി സീറ്റ് നിലനിര്‍ത്തി. കൗണ്ട് ബിന്‍ഫേസിന് 9,455 വോട്ടുകള്‍ (26.93%) ലഭിച്ചു. പോളിങ് ശതമാനം 44% ആയിരുന്നു
ക്രിപ്‌റ്റോകറന്‍സി കോടീശ്വരനായ ക്രിസ്റ്റഫര്‍ ഹാര്‍ബോണില്‍ നിന്ന് ലഭിച്ച 5 മില്യണ്‍ പൗണ്ട് സമ്മാനവുമായി ബന്ധപ്പെട്ട വിവാദങ്ങള്‍ക്കിടയിലാണ് ഫരാഗ് ഉപതിരഞ്ഞെടുപ്പിന് വഴിയൊരുക്കിയത്. ഈ സാമ്പത്തിക ഇടപാടുമായി ബന്ധപ്പെട്ട് പാര്‍ലമെന്ററി സ്റ്റാന്‍ഡേര്‍ഡ്‌സ് വാച്ച്ഡോഗിന്റെ ഔദ്യോഗിക അന്വേഷണം വീണ്ടും ആരംഭിക്കാനിരിക്കുകയാണ്.
വിജയം ഉറപ്പായെങ്കിലും ഫരാഗ് വോട്ടെണ്ണല്‍ കേന്ദ്രമായ ക്ലാക്ടണ്‍ ലെഷര്‍ സെന്ററില്‍ എത്തിയില്ല. പകരം മണ്ഡലത്തിന്റെ ഗ്രാമപ്രദേശത്ത് സംഘടിപ്പിച്ച 'ഫരാഗ് ഫെസ്റ്റ്' എന്ന പരിപാടിയിലാണ് അദ്ദേഹം പങ്കെടുത്തത്.
