യുകെ മലയാളികള്‍ക്കു അഭിമാനമായി ലെസ്റ്ററിലെ മലയാളി ബാലന്റെ നേട്ടം. മാര്‍ച്ച് 18ന് നടന്ന ഓള്‍ ഇംഗ്ലണ്ട് അണ്ടര്‍ 13 ബാഡ്മിന്റണ്‍ ചാമ്പ്യന്‍ഷിപ്പില്‍ സിംഗിള്‍സില്‍ ഒന്നാം സ്ഥാനവും ഗോള്‍ഡ് മെഡലുമാണ് ലിയോണ്‍ കിരണ്‍ എന്ന മിടുക്കന്‍ സ്വന്തമാക്കിയത്. ജനുവരിയില്‍ നടന്ന ലെസ്റ്റര്‍ കൗണ്ടി അണ്ടര്‍ 13 ബാഡ്മിന്റണ്‍ ചാമ്പ്യന്‍ഷിപ്പില്‍ സിംഗിള്‍സ്, ഡബിള്‍സ്, മിക്‌സഡ് ഡബിള്‍സ് ഫൈനലില്‍ ഫസ്റ്റ് പ്രൈസും നേടിയിരുന്നു.
ലെസ്റ്ററിലെ കിരണ്‍ ജോസഫ് - ദീപാ മരിയ ദമ്പതികളുടെ മകനാണ് കിരണ്‍. ചെറിയ പ്രായത്തില്‍ തന്നെ കൃത്യമായ പരിശീലനവും കഠിനാധ്വാനവും കൈമുതലാക്കിയാണ് കിരണ്‍ ഈ നേട്ടം സ്വന്തമാക്കിയത്. മകന്റെ കഴിവുകളെയും ആഗ്രഹങ്ങളേയും പ്രോത്സാഹിപ്പിച്ചുകൊണ്ട് മാതാപിതാക്കളും ഒപ്പമുണ്ട്. കിരണിന്റെ നേട്ടത്തിന് ആശംസാപ്രവാഹമാണ് ഇപ്പോള്‍ വന്നുകൊണ്ടിരിക്കുന്നത്.
ലിയോണ്‍ കിരണിന് ലെസ്റ്റര്‍ കേരള കമ്യൂണിറ്റിയും അഭിനന്ദനങ്ങള്‍ അറിയിച്ചു.
