ഇന്റര്‍വ്യൂ

കേരളത്തിലെ വിവാദ സെലിബ്രിറ്റി താരം ആയാണ് രഞ്ജിനി ഹരിദാസിനെ പലരും വിശേഷിപ്പിക്കുന്നത്. കൂസലില്ലായ്മയും പ്രതികരണ ശേഷിയും കൈമുതലായുള്ളതിന്റെ ഫലമാണ് അത്. 'കഠിന ഹൃദയ' എന്ന് അസൂയാലുക്കള്‍ വിശേഷിപ്പിക്കുമെങ്കിലും മൃഗ്യങ്ങളുടെ അടുത്ത് ലോല ഹൃദയമാണ് രഞ്ജിനിയ്ക്ക്. അവയെ സ്നേഹിക്കാനും പരിപാലിക്കാനും താരം സമയവും പണവും വേണ്ടുവോളം ചെലവഴിക്കുന്നുമുണ്ട്.

നാ​യ്​ക്ക​ളോട് പ്രത്യേക സ്നേഹമാണ് ര​ഞ്​ജി​നിയ്ക്ക്. എന്നാല്‍ ഉ​യര്‍​ന്ന വി​ല നല്‍​കി വാ​ങ്ങു​ന്ന വ​ളര്‍ത്തു​മൃ​ഗ​ങ്ങ​ളോ​ട​ല്ല ര​ഞ്​ജി​നി​ക്ക് താ​ത്​പര്യം. ര​ഞ്​ജി​നി​യു​ടെ പ്രി​യ​പ്പെ​ട്ട നാ​യ്​ക്ക​ളാ​യ റി​ക്കി​യും ബ്​​ളാ​ക്കി​യും തെ​രു​വി​ന്റെ സ​ന്ത​തി​ക​ളാ​ണ്. ​വീ​ട്ടു​കാര്‍​ ​ഉ​പേ​ക്ഷി​ക്കു​ന്ന​ ​നാ​യ്​ക്കള്‍,​ ​തെ​രു​വ് ​നാ​യ്​ക്കള്‍​ ​മ​റ്റു​ ​വ​ളര്‍ത്തു​മൃ​ഗ​ങ്ങള്‍ ഇ​വ​രു​ടെ സം​ര​ക്ഷ​ണ​ത്തി​ന് ​രു​പീ​ക​രി​ച്ച​ ​സം​ഘ​ട​ന​യാ​യ ​'കര്‍​മ്മ​യി'ല്‍ നി​ന്നാ​ണ് ര​ഞ്​ജി​നി ഇ​വ​രെ ദ​ത്തെ​ടു​ക്കു​ന്ന​ത്. ര​ഞ്​ജി​നി 'കര്‍​മ്മ​യി'ല്‍ അം​ഗ​മാ​ണ്.​

"സാ​മ്പ​ത്തി​ക​ ​നി​ല​ ​ഉ​യ​രു​മ്പോള്‍​ ​സ​മാ​ന​ചി​ന്താ​ഗ​തി​യു​ള്ള​വ​രോ​ടൊ​പ്പം ഇ​ത്ത​രം​ ​സം​ഘ​ട​ന​ ​ആ​രം​ഭി​ക്ക​ണ​മെ​ന്ന് ​ആ​ഗ്ര​ഹി​ക്കു​മ്പോ​ഴാ​ണ് ​റി​ക്കി​യെ​ക്കു​റി​ച്ച് പ​ത്ര​വാര്‍​ത്ത​ ​ശ്രദ്ധയില്‍പ്പെ​ടു​ന്ന​ത്.​ ആ​സി​ഡ് ​വീ​ണു അ​റു​പ​തു​ശ​ത​മാ​നം​ ​പൊ​ള്ള​ലേ​റ്റ് ​ഒ​രു​ ​വര്‍ഷം​ ​മുന്‍​പ് ​വൈ​റ്റി​ല​യില്‍​ ​ഇ​വ​നെ​ ​ക​ണ്ടെ​ത്തു​ക​യാ​യി​രു​ന്നു.​​ ഞാന്‍ ​ചെ​ല്ലു​മ്പോള്‍ റി​ക്കി പെ​റ്റ് ഹോസ്പിറ്റ​ലില്‍ അ​തീ​വ​ഗു​രു​ത​രാ​വ​സ്ഥ​യി​ലാ​ണ്.​ ​ശ​രീ​രം​ ​മു​ഴു​വന്‍​ ​പൊ​ള്ള​ലേ​റ്റു.​ ​ക​ഴു​ത്തി​ന്റെ​ ​ഭാ​ഗ​ത്താ​ണ് ​ഏ​റെ​ ​പൊ​ള്ളല്‍.​ ​പ​ക്ഷേ അ​പ്പോ​ഴും​ ​അ​വ​ന്റെ മു​ഖ​ത്ത് ​ഒ​രു​ ​ചിരിയുണ്ട്.​ ​ആ​ ​ചി​രി​ക്ക് ​ഒ​രു​ ​സ്​​നേ​ഹ​വും.​ ആ​ശു​പ​ത്രി​യില്‍ അ​പ്പോള്‍​ ​ബ്​​ളാ​ക്കി​യു​ണ്ട്.​ ​കൊ​ച്ചി​യി​ലെ​ ​ഓ​ട​യില്‍ കൈ​കാ​ലു​കള്‍ കെ​ട്ടി​യി​ട്ട​ ​നി​ല​യി​ലാ​ണ് ബ്​​ളാ​ക്കി​യെ​ ​കണ്ടെത്തുന്ന​ത്. ​ഒ​രാ​ഴ്​ച​ ​അ​വന്‍ ​ഓ​ട​യില്‍​ ​കി​ട​ന്നു.​ എ​ല്ലും​ ​തോ​ലു​മാ​യ​ ​അ​വ​സ്ഥ. ശ​രീ​ര​ത്തി​ന്റെ​ ​പ​ല​ ​ഭാ​ഗ​ത്തും​ ​പുഴുവരിച്ചി​രു​ന്നു.​ ഞാന്‍​ ​കാ​ണു​മ്പോള്‍ അ​വ​ന് ​എ​ഴു​ന്നേ​റ്റ് നില്‍​ക്കാന്‍ ​കഴി​യി​ല്ല.​ ​ര​ണ്ടു​പേ​രെ​യും ദ​ത്തെ​ടു​ത്തു.​ ​ബ്​​ളാ​ക്കി​ക്കും​ ​റി​ക്കി​ക്കും​ ​ഇ​തു​ ​ര​ണ്ടാം​ജ​ന്മ​മാ​ണ്.​ ​ബ്ളാക്കിയുടെ മു​റി​വ് ​ഇ​വി​ടെ​ ​വ​ന്ന​ശേ​ഷ​മാ​ണ് ​ഭേ​ദ​മാ​യ​ത്.​ ഞാ​നും​ ​അ​മ്മ​യും​ ​അ​വ​നെ​ ​പ​രി​ച​രി​ച്ചു.​ ഭ​ക്ഷ​ണം ക​ഴി​ച്ചാല്‍​ ഉ​ടന്‍​ ​അ​വ​ന് ​ലൂ​സ്​​മോ​ഷ​നാ​വും.​ ​ഇ​വി​ടെ​ ​വന്നപ്പോ​ഴും​ ​അ​വ​നു​ ​നില്‍​ക്കാന്‍ ക​ഴി​യി​ല്ല.​ ​റി​ക്കി​ ​വ​ലി​യ​ ​ദേ​ഷ്യ​ക്കാ​ര​നാ​ണ്.​ ​മ​റ്റു​ ​നാ​യ​യെ ക​ണ്ടാല്‍​ ​റി​ക്കി കു​ര​ച്ചു​ ​ചാ​ടും.​ റി​ക്കി​ ​നാ​ടന്‍​ ​ടെ​റി​യര്‍​ ​മിക്സാണ്.​ ​ബ്ളാക്കി ഗ്രെ​യ്​​ഡേ​യ​നാ​ണ്.​ ​റി​ക്കി​യും​ ​ബ്​​ളാ​ക്കി​യും​ ​ക​ണ്ടാല്‍​ ​ക​ടി​പി​ടി​യാ​വും.​ ​മൂ​ന്നാ​ഴ്​ച​യേ​ ​ബ്​​ളാ​ക്കി​യെ​ ​ഇ​വി​ടെ​ ​താമസിപ്പി​ച്ചു​ള്ളൂ.​ ​ചെ​റാ​യി​ലെ​ ​എന്റെ വീ​ടി​ന്റെ​ ​അ​യല്‍​വാ​സി​ക്ക് ​ബ്​​ളാ​ക്കി​യെ​ ​കൊ​ടു​ത്തു.​ ക​ട​ലില്‍​ ​ഇ​റ​ങ്ങു​ന്ന​ ​നാ​യ​യാ​യി​ ​അ​വന്‍​ ​ഇ​പ്പോള്‍ വ​ളര്‍ന്നു.​ അ​വന്‍​ ​രക്ഷപ്പെ​ട്ട​തി​ലാ​ണ് ​സന്തോഷം"- ര​ഞ്​ജി​നി പറയുന്നു.

വ​ളര്‍ത്തു​മൃ​ഗ​ങ്ങ​ളോ​ടു​ള്ള സ്‌​നേ​ഹം ചെ​റു​പ്പം മു​തലേ​

"ഞാന്‍​ ​ഒ​രു​ ​അ​നി​മല്‍ ല​വ​റാ. ​കു​ട്ടി​ക്കാ​ല​ത്ത് അ​ച്​ഛന്‍​ ​കൊ​ണ്ടു​വ​ന്ന​ ​ടി​ക്കു​ ​എ​ന്ന​ ​പൊ​മ​റേ​നി​യന്‍​ ​നാ​യ​യാ​ണ് ​എ​ന്റെ ആ​ദ്യ​ ​പെ​റ്റ്.​ പ​ന്ത്ര​ണ്ടു​വര്‍​ഷം​ ​ടി​ക്കു​ ​ഞ​ങ്ങ​ളു​ടെ കൂടെയുണ്ടാ​യി​രു​ന്നു.​ അ​ച്​ഛന്‍​ ​കൊ​ണ്ടു​വ​ന്ന​തി​നാല്‍ ടി​ക്കു​ ​ഇ​പ്പോ​ഴും​ ​എ​ന്റെ ഓര്‍​മ്മ​യി​ലു​ണ്ട്.​ ടി​ക്കു​ ​ച​ത്ത​പ്പോള്‍ എ​നി​ക്കും​ ​അ​മ്മ​യ്​ക്കും​ ​വ​ലി​യ​ ​വി​ഷ​മം​ ​തോ​ന്നി.​ ​വീ​ട്ടി​ലെ​ ​ഒ​രംഗമാ​യി​രു​ന്നു​ ​അ​വന്‍.​ ​മൃ​ഗ​ങ്ങള്‍​ ​മ​രി​ക്കു​മ്പോ​ഴും​ ​ന​മ്മു​ക്ക് വേ​ദ​ന​യു​ണ്ടാ​വു​മെ​ന്ന് ​ഞ​ങ്ങള്‍ അ​റി​ഞ്ഞു. ​പാ​ച്ചി​യെ​ ​വാ​ങ്ങു​ന്ന​തു​വ​രെ​ ​ഞാന്‍​ ​മറ്റൊ​രു​ ​പെ​റ്റി​നെ​ ​വളര്‍ത്തിയില്ല.​ ​അ​പ്പൂ​പ്പ​ന് ​പ​ക്ഷി​ക​ളെ വ​ളര്‍​ത്തു​ന്ന​ ​സ്വ​ഭാ​വ​മു​ണ്ട്.​ ​പ​ക്ഷി​ക​ളെ​ ​കൂ​ട്ടില്‍​ ​വ​ളര്‍​ത്തു​ന്ന​തി​ന് ഞാന്‍​ ​എ​തി​രാ​ണ്"

പെണ്‍നാ​യ്​ക്ക​ളെ വ​ളര്‍​ത്താത്തത് പെ​ണ്ണു​ങ്ങ​ളോ​ടു​ള്ള ഇ​ഷ്​ട​ക്കു​റ​വ് കൊണ്ട്

"എ​നി​ക്ക് പെ​ണ്ണു​ങ്ങ​ളെ അ​ത്ര​ ​വി​ശ്വാ​സ​മി​ല്ല.​ പെണ്‍​നാ​യെ​ ​വ​ളര്‍ത്താന്‍ ​വ​ലി​യ​ ​ബു​ദ്ധി​മു​ട്ടാ​ണ്.​ എ​ന്റെ​ ​സ്വ​ഭാ​വം​ ​ആ​ണി​ന്റേ​താ​ണ്.​ ​രാ​വി​ലെ​ ​ഞാ​നും​ ​റി​ക്കി​യും​ ​കൂ​ടി​ ​കളിയുണ്ട്.​ പാ​ച്ചി​യെ​ ​വാ​ക്കി​ന് ​കൊ​ണ്ടു​പോ​വും"- ര​ഞ്​ജി​നിയുടെ വാക്കുകള്‍.

കൊ​ച്ചി​യി​ലെ​ ​സ്​​കൂ​ളു​ക​ളില്‍​ ​കു​ട്ടി​കള്‍​ക്കാ​യി ബോ​ധ​വ​ത്​ക​ര​ണ​ ​ക്​​ളാ​സ് ​കര്‍മ്മ​ ​ന​ട​ത്തു​ന്നു​ണ്ട്.​ ​കര്‍മ്മ​യു​ടെ​ ​ഈ​ ​സെ​ഗ്​​മെ​ന്റി​ലാ​ണ് ​ഞാന്‍ ​ഫോ​ക്ക​സ് ​ചെയ്യുന്ന​ത്.​ ഒ​ന്നും പഠിപ്പിക്കാന്‍​ ​ക​ഴി​ഞ്ഞി​ല്ലെ​ങ്കി​ലും​ ​അ​ങ്ങോ​ട്ടു​ ​പോ​യി​ ​മൃ​ഗ​ങ്ങ​ളെ​ ​ഉ​പ​ദ്ര​വി​ക്ക​രു​തെ​ന്ന് കു​ട്ടി​ക​ളെ​ ​ഓര്‍​മ്മ​പ്പെ​ടു​ത്താന്‍​ ​ക്ളാസ് ​സ​ഹാ​യി​ക്കു​ന്നു.​ ​അ​ദ്ധ്യ​യ​ന​വര്‍​ഷം​ ​എ​ല്ലാ​ ​ആഴ്ച​യി​ലും സ്കൂളു​ക​ളില്‍​ ​ബോ​ധ​വ​ത്​ക​ര​ണ​ ​ക്​​ളാ​സ് ​ന​ട​ത്താ​നാ​ണ് ​തീ​രു​മാ​നം.​ ​ പാ​ച്ചി​യാ​ണ് ​രാ​വി​ലെ​ ​അ​മ്മ​യെ​ ​ഉ​ണര്‍ത്തു​ക.​ അവന്‍​ ​എ​ഴു​ന്നേ​റ്റാല്‍​ ​അ​മ്മ​യെ​ ​ഉ​ണര്‍​ത്തും. ​വി​ശ​ന്നാല്‍ ​അ​മ്മ​യു​ടെ​ ​മു​ഖ​ത്തേ​ക്ക് ​നോ​ക്കും.​ ​അ​മ്മ​ ​സാ​രി​ ​ഉ​ടു​ക്കാന്‍ ​തു​ട​ങ്ങി​യാല്‍​ ​ഇവന്‍​ ​ക​ളി​ ​തു​ട​ങ്ങും- ​ര​ഞ്ജിനി പറയുന്നു.
(കടപ്പാട്- കേരള കൗമുദി)