ബംഗളൂരു: കള്ളപ്പണം വെളുപ്പിക്കല് കേസില് ബിനീഷ് കോടിയേരിയുടെ ജാമ്യാപേക്ഷ കര്ണാടക ഹൈക്കോടതി ഈ മാസം 19-ലേക്ക് മാറ്റി. നീണ്ട ജയില്വാസം ബിനീഷിന് ജാമ്യം നല്കാനുള്ള കാരണമല്ലെന്ന് കോടതി നിരീക്ഷിച്ചു. കോടതിയുടെ അവധിക്കാല ബഞ്ചാണ് ഹര്ജി പരിഗണിച്ചത്. നേരത്തേ വാദം കേട്ടിരുന്നുവെങ്കിലും ഹൈക്കോടതി അവധിക്ക് പിരിഞ്ഞതിനാല് പുതിയ ജഡ്ജിയുടെ മുന്നിലാണ് ഇന്ന് അപേക്ഷ എത്തിയത്. തുടര്ന്നാണ് വിശദമായ വാദം കേള്ക്കാനായി ഹര്ജി 19-ലേക്ക് മാറ്റിയത്. പച്ചക്കറി, മല്സ്യ മൊത്ത വ്യാപാരം അടക്കം നടത്തിയിരുന്നതിനാലാണ് ബിനീഷ് കോടിയേരിയുടെ അക്കൗണ്ടില് കൂടുതല് പണമെത്തിയതെന്നും കള്ളപ്പണമല്ലെന്നും ബിനീഷ് കോടിയേരിയുടെ അഭിഭാഷകന് കോടതിയില് വാദിച്ചു.
കേസിലെ പ്രതിയായ അനൂപ് മുഹമ്മദില് നിന്ന് ബിനീഷിന് പണം ലഭിച്ചിട്ടില്ലെന്നും അഭിഭാഷകന് ചൂണ്ടിക്കാട്ടി. പിതാവും സിപിഎം നേതാവുമായ കോടിയേരി ബാലകൃഷ്ണന് ഗുരുതര രോഗമുള്ളതിനാല് ശുശ്രൂഷിക്കാന് നാട്ടില് പോകാന് അനുവദിക്കണമെന്നും അഭിഭാഷകന് കോടതിയില് ആവര്ത്തിച്ചു.എന്നാല് കേസില് വിശദമായ വാദം കേള്ക്കാതെ തീരുമാനമെടുക്കാനാകില്ലെന്ന് കോടതി ചൂണ്ടിക്കാട്ടി. 200 ദിവസമായി ജയിലിലാണെന്നും അഞ്ചു മിനിറ്റിനകം വാദം പൂര്ത്തിയാക്കാമെന്നും അറിയിച്ചുവെങ്കിലും കൂടുതല് കേസുകള് പരിഗണിക്കാനുള്ളതുകൊണ്ടാണ് അവധിക്കാല ബഞ്ച് രൂപീകരിച്ചതെന്ന് കോടതി വ്യക്തമാക്കി.
നേരത്തേ രണ്ടു തവണ ബെംഗളൂരു പ്രത്യേക കോടതി (സെഷന്സ് കോടതി) ജാമ്യാപേക്ഷ തള്ളിയതിനെത്തുടര്ന്ന് പിതാവിന്റെ ആരോഗ്യപ്രശ്നങ്ങള് ചൂണ്ടിക്കാട്ടിയാണ് ബിനീഷ് ജാമ്യമ്യത്തിനായി ഹൈക്കോടതിയെ സമീപിച്ചത്. കള്ളപ്പണം വെളുപ്പിക്കല് നിരോധന നിയമപ്രകാരം കഴിഞ്ഞ ഒക്ടോബര് 29-നാണ് ബിനീഷിനെ ഇ.ഡി. അറസ്റ്റ് ചെയ്തത്. കള്ളപ്പണം വെളുപ്പിക്കല് നിരോധന നിയമപ്രകാരമായിരുന്നു അറസ്റ്റ്. തുടര്ന്ന് എന്ഫോഴ്സ്മെന്റിന്റെ കസ്റ്റഡിയിലിരിക്കെ ബിനീഷിനെ നാര്ക്കോട്ടിക്സ് കണ്ട്രോള് ബ്യൂറോ കസ്റ്റഡിയിലെടുത്ത് നാലുദിവസത്തോളം ചോദ്യം ചെയ്തു. ബിനീഷ് അകത്തായതോടെയാണ് കോടിയേരി സിപിഎം സംസ്ഥാന സെക്രട്ടറിയുടെ പദവിയില് നിന്ന് അവധിയെടുത്തത്.
മയക്കുമരുന്ന് ഇടപാടുകള്ക്ക് പണം നല്കിയ വ്യക്തിയെന്ന നിലയിലാണ് നേരത്തെ ബിനീഷിനെ എന്ഫോഴ്സ്മെന്റ് ഡയറക്ടറേറ്റ് കള്ളപ്പണക്കേസില് പ്രതിയാക്കിയതും പിന്നീട് അറസ്റ്റുചെയ്തതും. മയക്കുമരുന്ന് ഇടപാടുകള്ക്ക് പണം നല്കിയ വ്യക്തിയെന്ന നിലയിലാണ് നേരത്തെ ബിനീഷിനെ എന്ഫോഴ്സ്മെന്റ് ഡയറക്ടറേറ്റ് കള്ളപ്പണക്കേസില് പ്രതിയാക്കിയതും പിന്നീട് അറസ്റ്റുചെയ്തതും. മയക്കുമരുന്ന് കേസിലെ രണ്ടാംപ്രതി അനൂപിന്റെ മൊഴിയാണ് ബിനീഷിന് കുരുക്കായത്. മയക്കുമരുന്നിടപാടുകള് നടത്തിയ ബംഗളൂരു കല്യാണ് നഗറിലെ റോയണ് സ്യൂട്ട്സ് അപ്പാര്ട്ട്മെന്റ് ഹോട്ടലിന്റെ നടത്തിപ്പ് ഏറ്റെടുക്കാന് പണം നല്കിയത് ബിനീഷാണെന്നും താന് വെറും ബിനാമിയാണെന്നും ബിനീഷാണ് ബോസെന്നും എന്ഫോഴ്സ്മെന്റിന് അനൂപ് മൊഴി നല്കിയിരുന്നു.
