മധുര: കോവിഡ് മാനദണ്ഡങ്ങള് ഭൂമിയില് മാത്രമാണോ ആകാശത്തില് ബാധകമല്ലേ!!
കോവിഡ് പശ്ചാത്തലത്തില് കേരളത്തിലും തമിഴ്നാട്ടിലുമടക്കം വിവാഹങ്ങള് നടത്തുന്നതിന് കടുത്ത നിയന്ത്രണം ഏര്പ്പെടുത്തിയിരിക്കുന്നതിനിടയില് അതെല്ലാം കാറ്റില് പറത്തി വിമാനത്തിനുളളില് ആഘോഷമായി വിവാഹം. മധുരയില് നിന്നുളള രാകേഷ്, ദക്ഷിണ എന്നിവരാണ് ആകാശയാത്രക്കിടയില് കുടുംബാംഗങ്ങളുടേയും ബന്ധുക്കളുടേയും അടക്കം 160 പേരുടെ സാന്നിധ്യത്തില് വിവാഹിതരായത്. അതും മാസ്കുപോലും വയ്ക്കാതെ. സംഭവം വിവാദമായതോടെ വിമാനവിവാഹത്തെ കുറിച്ച് തങ്ങള്ക്ക് അറിവുണ്ടായിരുന്നില്ലെന്ന് പറഞ്ഞു വിമാനത്താവള അധികൃതര് കൈകഴുകി.
മധുരയില് നിന്ന് ബെംഗളുരുവിലേക്കാണ് സ്പൈസ് ജെറ്റിന്റെ ചാര്ട്ടേഡ് വിമാനം ബുക്ക് ചെയ്തിരുന്നത്. വിമാനത്തില് വധൂവരന്മാരെ കൂടാതെ കുടുംബാംഗങ്ങളും ബന്ധുക്കളും ഉള്പ്പടെ 160 പേര് ഉണ്ടായിരുന്നു. വധൂവരന്മാരുടെ വേഷത്തില് തന്നെയായിരുന്നു രാകേഷും ദക്ഷിണയും. എല്ലാം മുന്കൂട്ടി ആസൂത്രണം ചെയ്തു വിമാനയാത്ര സംഘടിപ്പിക്കുകയായിരുന്നു.
യാത്രാമധ്യേ വിമാനത്തില് വെച്ച് രാകേഷ് ദക്ഷിണയുടെ കഴുത്തില് താലി ചാര്ത്തുന്ന വീഡിയോ സോഷ്യല് മീഡിയയില് വൈറലായതോടെയാണ് വിമാനകല്യാണം വിവാദ കല്യാണമായി മാറിയത്. വരനും വധുവിനും ചുറ്റുമായി ബന്ധുക്കളായ സ്ത്രീകളും ക്യാമറാമാന്മാരും തിക്കിത്തിരക്കി നില്ക്കുന്നത് കാണാം. കോവിഡ് മാനദണ്ഡങ്ങള് ലംഘിച്ചുകൊണ്ട് നടന്ന വിവാഹത്തില് ഭൂരിഭാഗം പേരും മാസ്ക് ധരിക്കുകയോ സാമൂഹിക അകലം പാലിക്കുകയോ ചെയ്തിട്ടില്ല.
കോവിഡ് പശ്ചാത്തലത്തില് വിവാഹത്തില് പങ്കെടുക്കുന്നവരുടെ എണ്ണം 50 ആയി തമിഴ്നാട് സര്ക്കാര് നിജപ്പെടുത്തിയിരുന്നു. ഇതിനിടയിലാണ് മാനദണ്ഡങ്ങള് ലംഘിച്ചുകൊണ്ട് വിവാഹം നടന്നിരിക്കുന്നത്. മാസ്കും സാമൂഹ്യ അകലവും പാലിക്കണമെന്ന തങ്ങളുടെ ആവര്ത്തിച്ചുള്ള അഭ്യര്ത്ഥന വരന്റെ വധുവിന്റെയും കൂട്ടര് അനുസരിച്ചില്ലെന്നാണ് വിമാന ജീവനക്കാര് പറഞ്ഞത്. ഏതായാലും കല്യാണ പാര്ട്ടികള്ക്കും വിമാനക്കമ്പനിക്കും എതിരെ കോവിഡ് പ്രോട്ടോകോള് ലംഘിച്ചതിന് കേസെടുക്കും.
'സ്പൈസ്ജെറ്റിന്റെ ചാര്ട്ടേഡ് ഫ്ളൈറ്റ് കഴിഞ്ഞ ദിവസമാണ് മധുരയില് നിന്ന് ബുക്ക് ചെയ്യുന്നത്. എയര്പോര്ട്ട് അധികൃതര്ക്കു ആകാശത്ത് വെച്ച് നടക്കുന്ന വിവാഹത്തെ കുറിച്ച് അറിവുണ്ടായിരുന്നില്ല.' എയര്പോര്ട്ട് ഡയറക്ടര് പറഞ്ഞു.
സംഭവം വിവാദമായതോടെ ഡയറക്ടര് ജനറല് ഓഫ് സിവില് ഏവിയേഷന് അന്വേഷണം പ്രഖ്യാപിച്ചിട്ടുണ്ട്.
മധുരയില് നിന്ന് ബെംഗളുരുവിലേക്കാണ് സ്പൈസ് ജെറ്റിന്റെ ചാര്ട്ടേഡ് വിമാനം ബുക്ക് ചെയ്തിരുന്നത്. വിമാനത്തില് വധൂവരന്മാരെ കൂടാതെ കുടുംബാംഗങ്ങളും ബന്ധുക്കളും ഉള്പ്പടെ 160 പേര് ഉണ്ടായിരുന്നു. വധൂവരന്മാരുടെ വേഷത്തില് തന്നെയായിരുന്നു രാകേഷും ദക്ഷിണയും. എല്ലാം മുന്കൂട്ടി ആസൂത്രണം ചെയ്തു വിമാനയാത്ര സംഘടിപ്പിക്കുകയായിരുന്നു. 
