റഷ്യ- യുക്രൈന് യുദ്ധം ഒരാഴ്ച പിന്നിട്ടപ്പോള് വ്ലാദിമിര് പുടിന് കൊടും വില്ലനും വ്ലാദിമിര് സെലന്സ്കി വീരനായകനുമായി മാറുകയാണ്. എപ്പോള് വേണമെങ്കിലും കൊല്ലപ്പെടാമെന്ന അവസ്ഥയിലും സെലന്സ്കിയും കുടുംബവും കീവിലെ തങ്ങളുടെ വസതിയില് തുടര്ന്ന് കൊണ്ട് യുക്രൈന് പ്രതിരോധത്തിന് കരുത്തുപകരുകയാണ്. വ്ലാദിമിര് സെലന്സ്കി മാത്രമല്ല പ്രഥമവനിത ഒലീന സെലന്സ്കിയും യുക്രൈന് ജനതയ്ക്കു ആത്മവിശ്വാസവും കരുത്തും പകര്ന്നുകൊണ്ട് കൂടെയുണ്ട്. ശത്രു അതി ശക്തനായിട്ടും, അവര് തൊട്ടടുത്തെത്തിയിട്ടും ഒളിച്ചോടാതെ പോരാട്ടം നയിക്കുകയാണ് ഇവര്.
യുക്രൈന് പ്രതിരോധത്തിന്റെ 'മുഖം' ആയ 'സ്ത്രീകളെ ഒലീന സോഷ്യല്മീഡിയയിലൂടെ പ്രശംസിക്കുകയും ആദരവ് അര്പ്പിക്കുകയും ചെയ്തു. മാത്രമല്ല, സോഷ്യല് മീഡിയ വഴി
ജനത്തിന് ആത്മവിശ്വാസം നല്കുകയാണ് ഒലീന. ഒപ്പം ആഗോള പിന്തുണ നേടാനും അവര് വിശ്രമില്ലാതെ പ്രവര്ത്തനത്തിലാണ്. യുക്രൈനിയന് ചെറുത്തുനില്പ്പിന്റെ 'മുഖം' ആയ 'അവിശ്വസനീയമായ' സ്ത്രീകള്ക്ക് ആദരവ് അര്പ്പിച്ചുകൊണ്ട് നമുക്ക് വിജയമുണ്ടാകും എന്ന് അവര് ഇന്സ്റ്റാഗ്രാമില് എഴുതി.
44 കാരിയായ ഒലീന സായുധ സേനയില് പോരാടുന്ന സ്ത്രീകളെ തന്റെ പിന്തുണ അറിയിക്കുകയും പരിഭ്രാന്തരാകാതെ കുട്ടികളെ അഭയകേന്ദ്രങ്ങളിലേക്ക് കൊണ്ടുപോകുകയും യുദ്ധത്തില് നിന്ന് കുട്ടികളുടെ മനസ്സിനെ സംരക്ഷിക്കുന്നതിനായി ഗെയിമുകളും കാര്ട്ടൂണുകളും ഉപയോഗിച്ച് അവരെ രസിപ്പിക്കുകയും ചെയ്യുന്ന സ്ത്രീകളെ അഭിനന്ദിക്കുകയും ചെയ്തു. ബോംബ് ഷെല്ട്ടറില് പ്രസവിക്കുന്ന സ്ത്രീകളെയും അവര് അനുസ്മരിച്ചു.
വിവിധ വേഷങ്ങളിലുള്ള സ്ത്രീകളുടെ ചിത്രങ്ങള് പങ്കുവെച്ചുകൊണ്ട് ആണ് ഒലീന കുറിപ്പിട്ടത് , രൂക്ഷമായ ആക്രമങ്ങള്ക്കിടയിലും ഓഫീസുകള്, ഫാര്മസികള്, ഷോപ്പുകള്, ഗതാഗതം, പൊതുജനങ്ങള് എന്നിവരുടെ സേവനത്തിനായി രംഗത്തുള്ള സ്ത്രീകളെയും സന്നദ്ധപ്രവര്ത്തകരെയും അവര് പ്രശംസിച്ചു. ഓഫീസുകള്.
ഭര്ത്താവിനും രണ്ട് കുട്ടികള്ക്കും ഒപ്പമാണ് ഒലീന കീവിലെ വസതിയിലുള്ളത്.
'ശത്രു എന്നെ ഒന്നാം നമ്പര് ലക്ഷ്യമായി അടയാളപ്പെടുത്തി, എന്റെ കുടുംബമാണ് അവരുടെ രണ്ടാം നമ്പര് ലക്ഷ്യം എന്നാണു സെലെന്സ്കി ദിവസങ്ങള്ക്ക് മുമ്പ് ഒരു വീഡിയോ സന്ദേശത്തില് പറഞ്ഞത്.
യൂണിവേഴ്സിറ്റിയില് ആര്ക്കിടെക്ചര് പഠിക്കുമ്പോഴാണ് ഇരുവരും പരിചയപ്പെടുന്നത്.
അക്കാലത്ത് സെലെന്സ്കി ഒരു മികച്ച കോമിക്, നിയമ വിദ്യാര്ത്ഥിയായിരുന്നു - കൂടാതെ ഒലീന സെലെന്സ്കിയെ പിന്നീട് പ്രശസ്തനാക്കിയ കോമഡി ട്രൂപ്പിന്റെ എഴുത്തുകാരിയായി.
ഇപ്പോള് നിര്മ്മാണ കമ്പനിയായ സ്റ്റുഡിയോ ക്വാര്ട്ടല് 95 ന്റെ തിരക്കഥാകൃത്ത് ആയി പ്രവര്ത്തിക്കുന്നു. 2003-ല് ആയിരുന്നു വിവാഹം. 2004-ല് അലക്സാന്ദ്ര എന്ന മകളും 2013-ല് കിറില് എന്ന മകനും ജനിച്ചു.
ഏതാനും ആഴ്ചകള്ക്ക് മുമ്പ് ഈ ജോഡി ഒരു വാലന്റൈന്സ് ഡേ വീഡിയോ പുറത്തിറക്കിയിരുന്നു , അതില് 'നമുക്ക് പരസ്പരം സ്നേഹിക്കാം, നമുക്ക് യുക്രൈനെ സ്നേഹിക്കാം' എന്നാണ് ഒലീന പറയുന്നത്. 2019 നവംബറില് വോഗിന്റെ കവറിലും അവര് പ്രത്യക്ഷപ്പെട്ടിട്ടുണ്ട്.
