ഒടുവില് ഹൈക്കമാന്ഡ് വഴങ്ങി; കണ്ണൂരില് കെ സുധാകരന് കോണ്ഗ്രസ് സ്ഥാനാര്ത്ഥി
കണ്ണൂര്: കെ സുധാകരന്റെ സമ്മര്ദ്ദത്തിന് മുന്നില് മുട്ടുമടക്കി കോണ്ഗ്രസ്. കണ്ണൂരില് സുധാകരന് തന്നെ കോണ്ഗ്രസ് സ്ഥാനാര്ത്ഥിയായി മത്സരിക്കും. എന്തുവന്നാലും മത്സരിക്കുമെന്ന നിലപാടിലായിരുന്നു സുധാകരന്. സംസ്ഥാന വ്യാപകമായി പ്രവര്ത്തകുടെയും നേതാക്കളുടെയും പിന്തുണ തനിക്കുണ്ടെന്നും സുധാകരന് പറഞ്ഞിരുന്നു. തനിക്കൊപ്പം മത്സരിക്കാന് തയ്യാറെടുത്ത് സംസ്ഥാന വ്യാപകമായി ഡിസിസി ഭാരവാഹികള് വരെ രംഗത്തുണ്ടെന്നും സുധാകരന് പറഞ്ഞിരുന്നു.
സ്ഥാനാര്ഥി നിര്ണയവുമായി ബന്ധപ്പെട്ട് കഴിഞ്ഞ കുറച്ചുദിവസങ്ങളിലായി സുധാകരന് കടുത്ത അതൃപ്തിയിലായിരുന്നു. മത്സരിക്കാനുള്ള തീരുമാനത്തില് ഉറച്ച സുധാകരന് ഒരു അനുനയത്തിനും വഴങ്ങിയിരുന്നില്ല. എന്നാല് എംപിമാരെ മത്സരിപ്പിക്കേണ്ടതില്ലെന്ന കടുത്ത നിലപാടിലായിരുന്നു കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ. ഇതോടെ കെ സുധാകരനും അടൂര് പ്രകാശിനും സീറ്റുണ്ടാകില്ലെന്ന് ഉറപ്പാവുകയായിരുന്നു. പിന്നാലെയാണ് സുധാകരന് പാര്ട്ടി വിടുമെന്ന് ഉറപ്പായത്. ഇത്തരമൊരു സാഹചര്യത്തിലാണ് കോണ്ഗ്രസിന് സുധാകരന് മുന്നില് മുട്ടുമടക്കേണ്ടി വന്നത്.
1996-ല് നടന്ന നിയമസഭ തിരഞ്ഞെടുപ്പില് സീറ്റ് നിഷേധിച്ചതിനെ തുടര്ന്ന് കോണ്ഗ്രസ് വിമതനായി ഇടതുമുന്നണിയുടെ പിന്തുണയോടെ മത്സരിച്ച എന്. രാമകൃഷ്ണനെ തോല്പ്പിച്ച് കണ്ണൂരില് നിന്ന് സുധാകരന് ആദ്യമായി നിയമസഭയിലേയ്ക്ക് തിരഞ്ഞെടുക്കപ്പെട്ടു. പിന്നീട് 2001-ല് ഇടതു സ്വതന്ത്രനായ കാസിം ഇരിക്കൂറിനെയും, 2006-ല് സി.പി.എം നേതാവായ കെ പി സഹദേവനെയും തോല്പ്പിച്ച് കണ്ണൂരില് നിന്ന് നിയമസഭ അംഗമായി.
2001-2004 കാലഘട്ടത്തിലെ എ.കെ. ആന്റണി മന്ത്രിസഭയില് കെ.സുധാകരന് ആദ്യമായി വനം മന്ത്രിയായി. 2009-ല് നടന്ന ലോക്സഭ തിരഞ്ഞടുപ്പില് സിപിഎമ്മിലെ കെ.കെ. രാഗേഷ്നെ തോല്പ്പിച്ച് കണ്ണൂരില് നിന്ന് ആദ്യമായി ലോക്സഭ അംഗമായി തെരഞ്ഞെടുക്കപ്പെട്ടു.
2014-ലെ ലോക്സഭ തിരഞ്ഞെടുപ്പില് കണ്ണൂരില് നിന്ന് മത്സരിച്ചു എങ്കിലും സിപിഎമ്മിലെ പി കെ ശ്രീമതിയോട് ഏഴായിരത്തിനടുത്ത് വോട്ടിന് തോറ്റു. അപരന്മാര്പിടിച്ച വോട്ടാണ് സുധാകരന് വിനയായത്. 2016-ലെ നിയമസഭ തിരഞ്ഞെടുപ്പില് ഇടതു കോട്ടയായ ഉദുമയില് നിന്ന് മത്സരിച്ചു എങ്കിലും സിപിഎമ്മിലെ കുഞ്ഞിരാമനോട് തോറ്റു. 2019-ല് നടന്ന ലോക്സഭ തിരഞ്ഞെടുപ്പില് കണ്ണൂര് സിറ്റിംഗ് എംപിയായിരുന്ന സിപിഎമ്മിലെ പി കെ ശ്രീമതിയെ ഒരു ലക്ഷം വോട്ടുകള്ക്കടുത്തുള്ള ഭൂരിപക്ഷത്തില് തോല്പ്പിച്ച് സുധാകരന് വീണ്ടും ലോക്സഭ അംഗമായി തെരഞ്ഞെടുക്കപ്പെട്ടു. 2024-ല് നടന്ന ലോക്സഭ തെരഞ്ഞെടുപ്പില് കണ്ണൂര് സിറ്റിംഗ് എംപിയായിരുന്ന അദ്ദേഹം സിപിഎമ്മിലെ എം വി ജയരാജനെ 1,08,982 വോട്ടുകള്ക്ക് പരാജയപ്പെടുത്തി വീണ്ടും ലോക്സഭയിലേക്ക് തെരഞ്ഞെടുക്കപ്പെട്ടു.
