മദ്യപാനികളായ ഭര്ത്താക്കന്മാരുടെ പ്രവൃത്തികളില് സഹികെട്ട് വീട്ടുവിട്ടിറങ്ങിയ രണ്ടു യുവതികള് പരസ്പരം വിവാഹം കഴിച്ചു. ഉത്തര്പ്രദേശിലെ ഗോരഖ്പൂരില് ആണ് സംഭവം. കവിത, ബബ്ലു എന്ന ഗുഞ്ച എന്നിവരാണ് വിവാഹിതരായത്. വ്യാഴാഴ്ച വൈകുന്നേരം ദേവ്റയിലെ ചോട്ടി കാശി എന്നും അറിയപ്പെടുന്ന ശിവക്ഷേത്രത്തില് വെച്ചായിരുന്നു ഇവരുടെ വിവാഹം.
ക്ഷേത്ര പൂജാരി ഉമാ ശങ്കര് പാണ്ഡെയാണ് വിവാഹത്തിന് കാര്മികത്വം വഹിച്ചത്. വരന്റെ വേഷം ധരിച്ച് എത്തിയ ഗുഞ്ച കവിതയ്ക്ക് സിന്ദൂരം ചാര്ത്തുകയും പരസ്പരം വരണമാല്യം കൈമാറുകയും ചെയ്തു. അതേസമയം ഇന്സ്റ്റാഗ്രാമിലൂടെയാണ് തങ്ങള് ആദ്യം പരിചയപ്പെട്ടതെന്നും സമാനമായ സാഹചര്യങ്ങളാണ് തങ്ങളെ അടുപ്പിച്ചതെന്നും ഇരുവരും പറഞ്ഞു. ഭര്ത്താക്കന്മാരില് നിന്ന് ഇരുവരും ഗാര്ഹിക പീഡനം നേരിട്ടുവെന്നും വെളിപ്പെടുത്തി. തുല്യ ദുഃഖിതരായിരുന്നു ഇരുവരും.
അതേസമയം, ഭര്ത്താക്കന്മാരുടെ മദ്യപാനവും മോശമായ പെരുമാറ്റവും തങ്ങളെ വേദനിപ്പിച്ചുവെന്നും ഇരുവരും പറഞ്ഞു. ഇതാണ് സമാധാനവും സ്നേഹവും നിറഞ്ഞ ജീവിതം തിരഞ്ഞെടുക്കാന് ഇവരെ പ്രേരിപ്പിച്ചത്. ദമ്പതികളായി ഗോരഖ്പൂരില് ജീവിക്കാന് തന്നെയാണ് തീരുമാനം. ഇപ്പോള് ഒരു മുറി വാടകയ്ക്കെടുക്കാനും ദമ്പതികളായി തുടര്ജീവിതം മുന്നോട്ടുകൊണ്ടുപോകുമെന്നും ദമ്പതികള് അറിയിച്ചു.
