ഇംഗ്ലണ്ട് താരം ഹാരി കെയ്ന് ബാലണ്‍ ഡി ഓര്‍; അലക്‌സിയ പ്യുട്ടയാസ് വനിതാ താരം, ലമീന്‍ യമാല്‍ മികച്ച യുവതാരം
കഴിഞ്ഞ സീസണിലെ ലോക ഫുട്‌ബോളിലെ ഏറ്റവും മികച്ച താരത്തിനുള്ള ബാലണ്‍ ഡി ഓര്‍ പുരസ്‌കാരം ഇംഗ്ലണ്ട് താരം ഹാരി കെയ്ന് സ്വന്തമാക്കി. അലക്‌സിയ പ്യുട്ടയാസ് മികച്ച വനിത താരമായും തെരഞ്ഞെടുക്കപ്പെട്ടു. ലമീന്‍ യമാല്‍ മികച്ച യുവതാരത്തിനുള്ള കോപ്പ ട്രോഫി സ്വന്തമാക്കി. 21 വയസ്സിനു താഴെയുള്ള താരങ്ങള്‍ക്കു നല്‍കുന്ന ഈ പുരസ്‌കാരത്തിന് തുടര്‍ച്ചയായ മൂന്നാം തവണയാണ് 19 വയസുകാരനായ യമാല്‍ അര്‍ഹനായത്. മികച്ച വനിത യുവതാരത്തിനുള്ള കോപ്പ ട്രോഫി വിക്കി ലോപ്പസ് ആണ് സ്വന്തമാക്കിയത്. 2025ലും വിക്കി ലോപ്പസിനായിരുന്നു വനിത യുവതാരത്തിനുള്ള കോപ്പ ട്രോഫി.
സ്പാനിഷ് ഫുട്‌ബോള്‍ ടീമിന്റെ മുഖ്യ പരിശീലകനായ ലൂയിസ് ഡി ലാ ഫ്യുവന്തെ മികച്ച പുരുഷ ഫുട്‌ബോള്‍ പരിശീലകനായി തെരഞ്ഞെടുക്കപ്പെട്ടപ്പോള്‍ മികച്ച വനിത ഫുട്‌ബോള്‍ പരിശീലകനായി സ്പാനിഷ് പ്രഫഷനല്‍ ഫുട്‌ബോള്‍ പരിശീലകന്‍ പെരെ റോമിയുവാണ് ജേതാവായത്. സ്‌പെയിന്‍ ഗോള്‍ കീപ്പര്‍ ഉനായ് സിമോന്‍
More »
തോമസ് മാര്‍ക്കിളിന്റേതെന്ന് കരുതുന്ന ചിത്രങ്ങളുടെ ശേഖരം പരിശോധിച്ച പോലീസ് ഞെട്ടലില്‍
സസെക്‌സ് ഡച്ചസിന്റെ പിതാവിന്റേതെന്ന് കരുതുന്ന കുട്ടികളെ പീഡനത്തിന് ഇരയാക്കുന്ന ചിത്രങ്ങളുടെ ശേഖരത്തില്‍ കാണുന്ന കാഴ്ചകള്‍ കണ്ടു ഞെട്ടി ഫിലിപ്പൈന്‍ പോലീസ്. തോമസ് മാര്‍ക്കിള്‍ സീനിയറിന്റെ സ്വന്തം മകനാണ് ഒപ്പിട്ട് തെളിവുകള്‍ പോലീസിന് കൈമാറിയത്.
തെളിവുകളുടെ ഡിജിറ്റല്‍ ഫോറന്‍സിക് പരിശോധനകള്‍ ആരംഭിച്ചതായി ഫിലിപ്പൈന്‍ നാഷണല്‍ പോലീസ് വക്താവ് കേണല്‍ അലന്‍ റെയ് കോ പറഞ്ഞു. ഫയലുകളുടെ സ്വഭാവവും, ഉത്ഭവവും, ഉടമയെയും തിരിച്ചറിയേണ്ടതുണ്ട്. തെറ്റായ കാര്യങ്ങള്‍ നടന്നിട്ടുണ്ടെങ്കില്‍ ഇതിന്റെ സമയക്രമവും കണ്ടെത്തണം. ഇരകളെ തിരിച്ചറിയാന്‍ കഴിയുമോയെന്നും പരിശോധിക്കുന്നുണ്ട്, വക്താവ് പറഞ്ഞു.
ദുഃഖകരമായ സംഭവങ്ങളാണ് ഇത്. കുട്ടികളോട് ഇത് ചെയ്ത വിദേശ പൗരനായാലും, ഫിലിപ്പൈന്‍ പൗരനായാലും വെറുതെ വിടില്ല, വക്താവ് കൂട്ടിച്ചേര്‍ത്തു. അതേസമയം തോമസ് മാര്‍ക്കിള്‍ സീനിയറിന്റെ സ്വഭാവദൂഷ്യത്തെ കുറിച്ച് മെറ്റ് പോലീസിന് വിവരം
More »
കുറഞ്ഞ വരുമാനമുള്ള പെന്‍ഷന്‍കാര്‍ക്ക് ആദായനികുതി ഇളവ്; പുതിയ പദ്ധതി
കുറഞ്ഞ വരുമാനമുള്ള പെന്‍ഷന്‍കാര്‍ക്ക് ആദായനികുതി ബാധ്യത ഒഴിവാക്കുന്നതിനുള്ള പുതിയ പദ്ധതി ബുധനാഴ്ചത്തെ ബജറ്റില്‍ പ്രഖ്യാപിക്കാനൊരുങ്ങി ചാന്‍സലര്‍ ജോണ്‍ ഹീലി. സംസ്ഥാന പെന്‍ഷന്‍ മാത്രം വരുമാനമായുള്ളവര്‍ക്ക് നികുതി നല്‍കേണ്ടിവരില്ലെന്ന മുന്‍ വാഗ്ദാനം നടപ്പാക്കുന്നതിന്റെ ഭാഗമായാണ് പുതിയ നികുതി ഇളവ് കൊണ്ടുവരുന്നത്.
നിലവിലെ റിപ്പോര്‍ട്ടുകള്‍ പ്രകാരം, പൂര്‍ണ സംസ്ഥാന പെന്‍ഷന്‍ ഏപ്രില്‍ മുതല്‍ 3.9 ശതമാനം വര്‍ധിച്ച് വര്‍ഷം 13,036.40 പൗണ്ടാകുമെന്നാണ് പ്രതീക്ഷിക്കുന്നത്. ഇത് നിലവിലെ 12,570 പൗണ്ടിന്റെ വ്യക്തിഗത നികുതിയിളവ് പരിധി മറികടക്കും. മാറ്റങ്ങളൊന്നും വരുത്തിയില്ലെങ്കില്‍ സംസ്ഥാന പെന്‍ഷന്‍ മാത്രം ലഭിക്കുന്നവര്‍ക്കുപോലും ആദായനികുതി ബാധ്യതയുണ്ടാകാം.
ഈ സാഹചര്യം ഒഴിവാക്കാന്‍ കുറഞ്ഞ വരുമാനമുള്ള പെന്‍ഷന്‍കാര്‍ക്കായി പ്രത്യേക നികുതിയിളവ് അനുവദിക്കാനാണ് സര്‍ക്കാരിന്റെ നീക്കം. ചെറിയ തുകയുടെ നികുതി
More »
ജനുവരിയില്‍ കുടുംബങ്ങളുടെ എനര്‍ജി ബില്ലുകള്‍ കുത്തനെ കൂടും; മിഡില്‍ ഈസ്റ്റ് സംഘര്‍ഷം ജനങ്ങളുടെ പോക്കറ്റടിക്കും!
പുതുവര്‍ഷത്തില്‍ കുടുംബങ്ങള്‍ക്ക് എനര്‍ജി ബില്‍ 'ഷോക്ക്'! ജനുവരിയില്‍ വീടുകളുടെ എനര്‍ജി ബില്ലുകള്‍ 27 ശതമാനം വര്‍ദ്ധിച്ച് ഏകദേശം 2200 പൗണ്ടിലേക്ക് എത്തുമെന്നാണ് മുന്നറിയിപ്പ്.
മിഡില്‍ ഈസ്റ്റിലെ യുദ്ധസാഹചര്യം ഹോള്‍സെയില്‍ ഗ്യാസ് വിലകള്‍ നാല് വര്‍ഷത്തെ ഉയര്‍ന്ന നിലയിലേക്കാണ് എത്തിച്ചത്. നിലവില്‍ പ്രതിവര്‍ഷം 1723 പൗണ്ടിലുള്ള പ്രൈസ് ക്യാപ്പ് ജനുവരി മുതല്‍ 2192 പൗണ്ടിലേക്ക് കൂടുമെന്നാണ് ഇഡിഎഫ് പ്രവചനം.
ഇതിന് ശേഷം ഏപ്രില്‍ മുതല്‍ ശരാശരി വാര്‍ഷിക ബില്ലുകള്‍ 2389 പൗണ്ടിലേക്ക് വര്‍ദ്ധിച്ച ശേഷം ജൂലൈയില്‍ കുറയുമെന്നാണ് റിപ്പോര്‍ട്ട്. ഓരോ മൂന്ന് മാസം കൂടുമ്പോഴാണ് ഓഫ്‌ജെം എനര്‍ജി പ്രൈസ് ക്യാപ്പ് അപ്‌ഡേറ്റ് ചെയ്യുന്നത്.
'ഉയരുന്ന ഹോള്‍സെയില്‍ ഗ്യാസ് വിലകള്‍ എനര്‍ജി ബില്ലുകളെ മുന്നോട്ട് നയിക്കുകയാണ്. ബില്ലുകള്‍ അടയ്ക്കാന്‍ കഴിയാതെ പോകുന്നവര്‍ക്ക് ഈ വിന്ററില്‍ പിന്തുണ നല്‍കേണ്ടത് അനിവാര്യമാണ്',
More »
നവംബര്‍ 25, 26 തീയതികളില്‍ എന്‍എച്ച്എസ് കണ്‍സള്‍ട്ടന്റുമാരുടെ പണിമുടക്ക്; രോഗികള്‍ ദുരിതത്തിലാകും
വിന്ററിന് തൊട്ടുമുമ്പ് എന്‍എച്ച്എസിനെ പ്രതിസന്ധിലാക്കാന്‍ ഇംഗ്ലണ്ടിലെ ഏറ്റവും മുതിര്‍ന്ന ഹോസ്പിറ്റല്‍ ഡോക്ടര്‍മാര്‍ രണ്ടുദിവസത്തെ സമരത്തിന് ഇറങ്ങുന്നു. ശമ്പളത്തിന്റെയും, ജോലി സമയത്തിന്റെയും പേരിലാണ് പണിമുടക്ക്. നവംബര്‍ 25, 26 തീയതികളിലാണ് കണ്‍സള്‍ട്ടന്റ് ഡോക്ടര്‍മാരുടെ രണ്ട് ദിവസത്തെ പണിമുടക്ക്. ശൈത്യകാലത്ത് ആശുപത്രികളില്‍ തിരക്ക് വര്‍ധിക്കുന്നതിനിടെയാണ് സമരം പ്രഖ്യാപിച്ചിരിക്കുന്നത്. രോഗികള്‍ക്ക് വലിയ തോതില്‍ ബുദ്ധിമുട്ട് നേരിടേണ്ടിവരുമെന്ന് എന്‍എച്ച്എസ് അധികൃതര്‍ മുന്നറിയിപ്പ് നല്‍കി.
പണിമുടക്ക് ദിവസങ്ങളില്‍ ആശുപത്രികളില്‍ അടിയന്തര ചികിത്സകള്‍ മാത്രമായിരിക്കും പ്രധാനമായും ലഭ്യമാകുക. ക്രിസ്മസ് ദിനത്തില്‍ പ്രവര്‍ത്തിക്കുന്ന രീതിയിലാകും ആശുപത്രികളുടെ പ്രവര്‍ത്തനം.കണ്‍സള്‍ട്ടന്റ് ഡോക്ടര്‍മാരുടെ ശരാശരി വാര്‍ഷിക വരുമാനം 1.52 ലക്ഷം പൗണ്ടാണ്.
സര്‍ക്കാരുമായി 18 മാസമായി നടത്തിയ
More »
ഓസ്റ്റിന്‍..ബൊയേലോ..., അടുത്തതു ക്ലോഹ് കൊടുങ്കാറ്റിന്റെ ഊഴം
ദിവസങ്ങള്‍ക്കിടെ മൂന്നാമത്തെ കൊടുങ്കാറ്റ് ബ്രിട്ടനെ തേടിയെത്തുന്നു. നാശം വിതച്ച 'ഓസ്റ്റിന്‍', 'ബൊയേലോ' എന്നിവയ്ക്ക് ശേഷം ക്ലോഹ് കൊടുങ്കാ കൊടുങ്കാറ്റിന്റെ ഊഴം ആണ് അടുത്തത്. ബൊയേലോ കൊടുങ്കാറ്റ് രാജ്യത്ത് നാശം വിതച്ച് മണിക്കൂറുകള്‍ തികയും മുന്‍പാണ് അടുത്ത കൊടുങ്കാറ്റ് എത്തുന്നത്.
ദിവസങ്ങള്‍ക്കിടെ മൂന്നാമത്തെ കൊടുങ്കാറ്റാണ് ബ്രിട്ടനെ തേടിയെത്തുന്നത്. നോര്‍ത്ത് ഈസ്റ്റ് മേഖലയിലാണ് ശക്തമായ മഴ പെയ്യുകയെന്ന് മെറ്റ് ഓഫീസ് പ്രവചിക്കുന്നു. ചൊവ്വാഴ്ചയും കാറ്റും, മഴയും തുടരും. ക്ലോഹ് കൊടുങ്കാറ്റ് എത്തിയ ശേഷം ഇതിന്റെ ശക്തി പരിശോധിച്ച് ആംബര്‍ അല്ലെങ്കില്‍ റെഡ് മുന്നറിയിപ്പ് നല്‍കുമെന്നാണ് കാലാവസ്ഥാ ഏജന്‍സി അറിയിച്ചിരിക്കുന്നത്.
ആംബര്‍ മുന്നറിയിപ്പുമായി എത്തിയ ബൊയേലൊ കൊടുങ്കാറ്റ് ശനിയാഴ്ച രാത്രിയോടെ അവസാനിച്ചു. എന്നാല്‍ ഇതിന്റെ തുടര്‍ച്ചയായി അടുത്ത കൊടുങ്കാറ്റ് എത്തുന്നതോടെ കാലാവസ്ഥാ ദുരിതം തുടരും.
More »
ബജറ്റില്‍ ബാങ്കുകള്‍ക്ക് മേല്‍ കൈവെച്ചാല്‍ മോര്‍ട്ട്‌ഗേജുകള്‍ ഉയരും! ചാന്‍സലര്‍ക്ക് ലേബര്‍ എംപിമാരുടെ മുന്നറിയിപ്പ്
ബജറ്റില്‍ ബാങ്കുകള്‍ക്ക് മേലുള്ള നികുതികള്‍ വര്‍ദ്ധിപ്പിക്കാനുള്ള ലേബര്‍ പദ്ധതി മോര്‍ട്ട്‌ഗേജ് നിരക്കുകള്‍ വര്‍ദ്ധിപ്പിക്കുമെന്ന് മുന്നറിയിപ്പ്. ചാന്‍സലര്‍ ജോണ്‍ ഹീലി ബജറ്റ് അവതരിപ്പിക്കാന്‍ ഇരിക്കവെയാണ് കണ്‍സര്‍വേറ്റീവുകള്‍ ഈ മുന്നറിയിപ്പുമായി രംഗത്ത് വരുന്നത്. ലേബര്‍ എംപിമാരും മുന്നറിയിപ്പുമായി രംഗത്തുണ്ട്.
റെക്കോര്‍ഡ് നിലയിലെത്തിയ ബ്രിട്ടന്റെ നികുതി ഭാരം വീണ്ടും ഉയര്‍ത്താനുള്ള പദ്ധതികള്‍ ഉപേക്ഷിക്കണമെന്ന് കണ്‍സര്‍വേറ്റീവുകള്‍ ആവശ്യപ്പെട്ടു. ബുധനാഴ്ച ബജറ്റ് അവതരിപ്പിക്കുമ്പോള്‍ പദ്ധതികള്‍ക്കായി കൂടുതല്‍ പണം കണ്ടെത്താന്‍ വലിയ ബാങ്കുകള്‍ക്ക് മേല്‍ കൂടുതല്‍ നികുതി ചുമത്താനാണ് ചാന്‍സലര്‍ ആലോചിക്കുന്നതെന്നാണ് വിവരം.
വമ്പന്‍ ലാഭം നേടുന്ന മേഖലയ്ക്ക് മേല്‍ കൂടുതല്‍ നികുതി ഈടാക്കുന്നത് പ്രശ്‌നമല്ലെന്നാണ് ഹീലി വാദിക്കുക. എന്നാല്‍ ഈ പദ്ധതി നടപ്പായാല്‍ ഭവനഉടമകളും,
More »
വാടകവീട് മാറാന്‍ കൂടുതല്‍ സ്വാതന്ത്ര്യം; ഇംഗ്ലണ്ടില്‍ വിദ്യാര്‍ഥികള്‍ക്ക് ആശ്വാസമാകും
ഇംഗ്ലണ്ടിലെ പുതിയ വാടക നിയമപരിഷ്‌കരണം വിദ്യാര്‍ഥികള്‍ക്ക് താമസസ്ഥലം മാറാന്‍ കൂടുതല്‍ സ്വാതന്ത്ര്യം നല്‍കും. അക്കാദമിക് വര്‍ഷം മുഴുവന്‍ ഒരേ വീട്ടില്‍ തുടരേണ്ട സാഹചര്യം മാറുന്നത് വിദ്യാര്‍ഥികള്‍ക്ക് ആശ്വാസമാണെങ്കിലും വരുമാനനഷ്ടമുണ്ടാകുമെന്ന ആശങ്കയിലാണ് വീട്ടുടമകള്‍.
പുതിയ വ്യവസ്ഥകള്‍ ബാധകമായ സ്വകാര്യ വാടകവീടുകളിലെ വിദ്യാര്‍ഥികള്‍ക്ക് നിശ്ചിത നോട്ടീസ് നല്‍കി കരാര്‍ അവസാനിപ്പിക്കാം. പഠനം ഉപേക്ഷിക്കേണ്ടിവരുന്നവര്‍ക്കും സര്‍വകലാശാല മാറുന്നവര്‍ക്കും ഈ സൗകര്യം ഗുണകരമാകും. അസ്യൂര്‍ഡ് പീരിയോഡിക് വാടകക്കരാര്‍ അവസാനിപ്പിക്കാന്‍ സാധാരണയായി രണ്ടുമാസത്തെ രേഖാമൂലമുള്ള നോട്ടീസ് നല്‍കണം. ഈ കാലയളവിലെ വാടകയും അടയ്‌ക്കേണ്ടതുണ്ട്.
അതേസമയം, പരീക്ഷകള്‍ കഴിഞ്ഞയുടന്‍ വിദ്യാര്‍ഥികള്‍ താമസം ഒഴിഞ്ഞാല്‍ വേനല്‍ക്കാലത്ത് വീടുകള്‍ കാലിയായി കിടക്കുമെന്നാണ് ഉടമകളുടെ ആശങ്ക. ഇതുമൂലമുള്ള നഷ്ടം നികത്താന്‍
More »
ജനപിന്തുണയില്‍ കുതിച്ചു ലേബര്‍; ടോറികളും മെച്ചപ്പെട്ടു, റിഫോം നിലംപൊത്തി
ഇടക്കാലത്തെ ക്ഷീണത്തിനുശേഷം ബ്രിട്ടീഷ് രാഷ്ട്രീയം പരമ്പരാഗത ദ്വികക്ഷി രാഷ്ട്രീയത്തിലേക്ക് മടങ്ങിയെത്തുമെന്ന സൂചനകളുമായി ഏറ്റവും പുതിയ അഭിപ്രായ സര്‍വ്വേഫലം . ആന്‍ഡി ബേണ്‍ഹാമിന്റെ നേതൃത്വത്തില്‍ ലേബര്‍ പാര്‍ട്ടി തകര്‍ച്ചയില്‍ നിന്നും കരകയറി കുതിക്കുകയാണ് എന്ന സൂചന തന്നെയാണ് പുതിയ അഭിപ്രായ സര്‍വ്വേയും നല്‍കുന്നത്. ഇപ്‌സോസ് നടത്തിയ ഏറ്റവും പുതിയ സര്‍വേയില്‍, 2024 ലെ പൊതുതെരഞ്ഞെടുപ്പിന് ശേഷമുള്ള ഏറ്റവും ഉയര്‍ന്ന ജനപ്രീതിയാണ് ലേബര്‍ പാര്‍ട്ടിക്ക് ലഭിച്ചിരിക്കുന്നത്, 32 ശതമാനം. കഴിഞ്ഞ മാസത്തേക്കാള്‍ 5 പോയിന്റാണ് ഇപ്പോള്‍ പാര്‍ട്ടി കൂട്ടിയിരിക്കുന്നത്
കണ്‍സര്‍വേറ്റീവ് പാര്‍ട്ടിയേക്കാള്‍ 8 പോയിന്റുകള്‍ക്ക് മുന്നിലെത്തിയ ലേബര്‍ പാര്‍ട്ടിക്ക് വ്യക്തമായ ലീഡ് തന്നെയാണ് ലഭിച്ചിരിക്കുന്നത്. എന്നാല്‍, കണ്‍സര്‍വേറ്റീവ് പാര്‍ട്ടിക്കും അവരുടെ ജനപിന്തുണയില്‍ 3 പോയിന്റ് വര്‍ദ്ധിപ്പിച്ച് 24 ശതമാനത്തില്‍
More »
